Бугун,

  • USD 11095.31
  • RUB 173.84
  • EUR 10772.44

Қандолат маҳсулотларининг мазали чиқишида крем ва хамирнинг аҳамияти катта. Хамирнинг яхши тайёрланиши учун бир қанча кўрсатмаларга амал қилиш лозим. «Lisa.ru» нашри оширма хамирни тайёрлашдаги хатоликлар ҳақида маълумот берди.

Унни элакдан ўтказмайсиз

Ушбу жараён унни ҳар қандай аралашмалардан тозалайди ва уни кислород билан тўйинтиради. Хамирнинг кислород билан тўйиниши жуда муҳим — ҳаво мавжудлиги хамирнинг тез «кўтарилишига» ёрдам беради ва пишириқ кўнгилдагидек ва юмшоқ бўлади. Агар пишириш кукуни қўшсангиз, уни ун билан бирга элакдан ўтказиш керак.

Маҳсулотларни тартиб билан аралаштирмаслик

Ширинлик, овқат, ёки бирор бир пишириқ тайёрлашда унга қўшиладиган маҳсулотнинг миқдорини ёки кетма-кетлигини ўзгартириш ҳар доим ҳам яхши натижаларга олиб келмайди. Кекснинг бисквити ва крем қисмига суюқ ва қуруқ маҳсулотларни алоҳида-алоҳида аралаштириш ва кейин бирлаштириш керак. Тўғри, бундан истисно ҳолатлар мавжуд: шакарли оқсиллар алоҳида кўпиртирилади ва охирида хамирга эҳтиёткорлик билан қўшилади. Хамирга маҳсулотларни кет-кет солиш муҳим  — битта нотўғри солинган маҳсулот хамирнинг яхши чиқмаслигига сабаб бўлиши мумкин.

Бир маҳсулот ўрнига бошқасини қўшиш

Пишириқни рецепт бўйича тайёрлаган маъқул ва бир маҳсулотнинг ўрнига бошқасини солманг — масалан, эзилган шакарнинг ўрнига асални ишлатманг. Натижаси яхши бўлмайди — асал хамирни оғирлаштиради ва юмшоқ булочка ўрнига текис ва қаттиқ булочка бўлиб пишади. Агар тўғри овқатланишга риоя қилишни истасангиз, PP ширинликларининг рецептини топинг.

Музлатилган маҳсулотлардан фойдаланасиз

Яхши натижага эришиш учун маҳсулотларни хона ҳароратида сақлаб ишлатинг. Қат-қат ва қумоқ хамирни тайёрлашда музлатилган маҳсулотлар қўшилади — бу одатда рецептда эслатиб ўтилади. Совуқ сувда оширма хамирни тайёрласангиз хамиртуруш кўтарилмайди. Товуқ тухумларини ҳам музлатгичдан олиб қўйиш керак.

Хамирни узоқ вақт қориш

Ҳар бир нарса меъёрида бўлиши керак: агар узоқ вақт хамирни қорсангиз ёки аралаштирсангиз, хамир жуда оғир бўлиб чиқади ва печда кўтарилмайди. Бу қоида оширма хамирли пишириқлар, қуймоқлар ва бисквитларнинг хамирига тааллуқли. Бироқ чучвара ва чебурекда гўштнинг суви оқмаслиги учун хамир қаттиқ ва эластик бўлиши керак.

Фото: «Elle.ru»

Фото: «Elle.ru»

Хамирни қиздирилмаган печга қўясиз

Маҳсулотларни аралаштириш жараёнида қиздирилган печга қўйиш мумкин. Агар идишни совуқ ҳавога қўйсангиз, хамир узоқроқ вақт давомида кўтарилади ва унинг пишмай қолиш эҳтимоли бор. Биринчи 20-25 дақиқада печни очмаслик ва унга қарамаслик керак. Рецептда вақт ҳам кўрсатилади, пишириш вақтини ўрнатинг ва сигналдан кейин уни текширинг.

Мавзуга доир:

Изоҳ
Асосий янгиликлар
Маҳаллий
Ўзбекистонда 175 кишининг паспортига IMEI кодлари ноқонуний рўйхатдан ўтказилгани аниқланди
Дунё
Пабло Эскобар буйруғи билан портлатилган Boeing, «Невский экспресс» поездидаги теракт ва совет ҳукуматига қарши бошланган Слуцк қўзғолони. Кун хронологиясида 27 но...
Маҳаллий
Уй-рўзғор ишлари аёлларнинг иқтисодий фаоллигини туширади: Ўзбек аёлининг мартабага эришиш имкониятлари таҳлил қилинди