Асал — умуман олганда, сув билан суюлтирилган шакар. Ширин, сиропли суюқлик асаларилар ва унга ўхшаш баъзи ҳашаротлар (масалан, ари) томонидан тайёрланади.
Асал иммунитет тизимини мустаҳкамлайди, шунингдек соғлиқ учун фойдали ўсимлик бирикмалари — полифенолларга бой. Унинг таркибида аскорбин ва фолий кислоталари, бир қатор витаминлар мавжуд: организм улардан тўйиниши учун, жуда кўп асал истеъмол қилиш керак.
Ёдда тутинг: асал аллергияни келтириб чиқариши мумкин. Шунингдек, маҳсулот қандли диабет ва ошқозон-ичак касалликларининг оғир босқичи билан оғриган инсонларга тавсия этилмайди.
Қаришга қарши таъсирга эга
Асал таркибида инсон организмидаги ҳужайраларнинг тикланишига, қариш жараёнини секинлаштиришга, иммунитет тизимини мустаҳкамлашга ёрдам берувчи кўплаб антиоксидантлар мавжуд. Маҳсулот флавоноидлар ва фенолик кислоталар каби фойдали ўсимлик бирикмаларига бой. Улар организм ҳужайраларини эркин радикаллар таъсиридан ҳимоя қилади.
Қондаги шакар миқдорини меъёрлаштиришга ёрдам беради
Олимлар асал организмдаги ёғлар ва углеводларни мувозанатлаштирадиган ва ҳужайралардаги инсулин сезувчанлигини оширадиган адипонектин гормони миқдорини ошириши мумкинлигини аниқлаган. Олимларнинг таъкидлашича, маҳсулотни ҳар куни оч қоринга истеъмол қилиш 2-тоифа диабетга чалинган инсонларда қондаги қанд миқдорини яхшилаши мумкин. Бироқ, тозаланган шакарга нисбатан фойдали бўлишига қарамай, асални ҳам эҳтиёткорлик билан ва меъёрида истеъмол қилиш керак.
Юрак-қон томир фаолияти учун фойдали
Асал қон босимини пасайтиришга, юрак уришини нормаллаштиришга ёрдам беради, қондаги холестеринга ижобий таъсир кўрсатади — буларнинг барчаси юрак ва қон-томирларининг саломатлиги учун муҳим омиллар ҳисобланади. Бундан ташқари, прополис холестерин ва триглицеридлар даражасини яхшилаши мумкин.
Асал юрак-қон томир тизимини оксидловчи стрессдан ҳимоя қилишга ёрдам беради, бу унга салбий таъсир қилади. Бироқ, тадқиқот ҳозиргача фақат каламушлар устида ўтказилади.
Ярани даволашга ёрдам беради
Қадимги Миср аҳолиси яралар ва куйиш жойларига асал суртилган боғламалар қўйган. Замонавий тадқиқотлар маҳсулотнинг кичик куйишларни даволашда ва операциядан кейинги яраларни даволашда самарали эканини тасдиқлаган. Асал қандли диабетнинг асоратларидан бири ҳисобланган трофик оёқ яраларини даволашга ҳам ёрдам беради. Олимлар асалнинг шифобахш хусусиятлари: антибактериал таъсир ва яллиғланишга қарши эканини ҳам айтган.
Болаларда йўтални даволаши мумкин
Асал болаларда йўталнинг давомийлиги ва интенсивлигини камайтиришга ёрдам беради, жумладан тунги вақтда, уларнинг уйқусини яхшилайди, шу билан бирга ҳеч қандай ножўя таъсир кўрсатмайди. Бироқ, ботулизм хавфи туфайли бир ёшгача бўлган чақалоқларга асал бериш тавсия этилмайди.
Мавзуга доир:
Изоҳ (0)