Эндигина «права» олганларда машина бошқаришдан аввал ҳаяжон бўлиши табиий. Ёки аксинча бу борада тажриба бўлиши ҳамда ва рулда ўзингизни қулай ҳис қилишингиз ҳам мумкин. Лекин ҳайдовчилар риоя қилиши керак бўлган баъзи оддий қоидалар кўпинча унутилади. The Voice Mag нашри уларнинг бир нечтасини санаб ўтди.
Автомобильдан фойдаланиш қаердан бошланади? Эшикни очиш, калитларни қулфга солиб, машинани ишга тушириш ва ҳайдаб кетишданми?
Бу тубдан нотўғри. Янги ҳайдовчилар кўпинча назарияни кам баҳолайди, ҳайдашнинг кўпгина асосларига риоя қилмайди. Тажрибали ҳайдовчилар эса жуда муҳим тафсилотларга шунчаки эътибор бермайди. Лекин машина бошқарувидан олдин ҳар доим қилиш керак бўлган учта қоида мавжуд.
- Автомобиль корпуси ва шиналарини текшириш. Ҳар қандай ҳайдовчи машинани диққат билан кўриб чиқиши керак: агар қандайдир шубҳали белгилар бўлса, айбдор яқин жойда бўлиши мумкин. Бундан ташқари, ёнилғи бакининг оқмаслигига ишонч ҳосил қилиш керак. Шиналарга келсак: уй ҳайвонлари кўпинча ғилдирак тагида ухлайди, шунингдек, ғилдиракларнинг ҳолати яхши эканига ишонч ҳосил қилиш керак.
- Агар машина сизники бўлса, унда ўриндиқ сиз учун қулайлаштирилган. Агар ундан турмуш ўртоғингиз билан бирга фойдалансангиз, биринчи навбатда ўриндиқни мослаштириш керак. Шундан сўнг орқа кўзгуни созлаш лозим, чунки кўзгуни кимдир ўзгартирган бўлиши мумкин. Афсуски, вақтида эътибор бермаслик ортидан кутилмаган вазиятлар юзага келиши ҳеч гап эмас.
- Албатта, учинчи босқич — ёруғлик. Ёруғликнинг етишмаслиги — бошқа ҳайдовчиларни безовта қиладиган энг кенг тарқалган хатолардан бири. Кундузи кўплаб ҳайдовчилар сигнал чироқлари ва кичик фараларни ёқишни унутади. Бу жуда хавфли. Йўлда бошқа машиналарни кўриш — бу бошқа ҳайдовчилар ҳам сизнинг машинангизни кўриши мумкин, дегани эмас. Ҳар доим кундузи ишлайдиган сигнал чироқларни, фараларни ҳам ёқиш тавсия этилади. Йўлда машинани қанчалик аниқ кўриш мумкин бўлса, бахтсиз ҳодиса эҳтимоли шунчалик камаяди.
Изоҳ (0)