Uzbekistan Airports тест режимида Telegram бот ишга туширди. Бу ҳақда компания матбуот хизмати хабар бермоқда.
Таъкидланишича, ушбу Telegram бот реал вақт режимида барча халқаро ва ички рейслар, шунингдек, жадвалдаги ўзгаришлар ҳақида маълумот бериб боради.
Ботни ишга туширган ҳар бир фойдаланувчи мавжуд рўйхатдан аэропорт, терминал, учиб кетиш ёки учиб келиш ва ўзига керакли йўналишни танлаши мумкин.
Шундан сўнг, бот парвоз ҳақидаги маълумотларни кўрсатади: учиш вақти, рейс рақами, парвоз ҳолати ва йўналиши, ташувчи авиакомпания ва рўйхатдан ўтиш маълумотлари.
Маълумотларга кўра, яқин келажакда функционалликни кенгайтириш режалаштирилмоқда.
Парвозлар ҳолатининг ўзгарганлиги, пойтахт аэропорти терминаллари ўртасида қатновчи автобуслар жадвали, шунингдек, юқори даражадаги комфорт заллари учун масофавий тўловларни амалга ошириш имконияти жорий қилинади.
Telegram бот рус ва ўзбек тилларида фаолият юритмоқда.
Изоҳ (0)