Футбол бўйича Ўзбекистон миллий терма жамоаси 27 сентябрь, сешанба куни Жанубий Кореянинг Сувон шаҳрида Коста-Рикага қарши ўртоқлик ўйинида майдонга тушди.
Учрашувнинг 26-дақиқасида Элдор Шомуродов рақиб дарвозабон билан бирга бир вазиятга чиқиб борди ва аниқ зарбаси билан ҳисобни очди.
Танаффусга қадар ва иккинчи бўлимда ҳам Ўзбекистон вакилларида қатор имкониятлар юзага келди, бироқ рақиб дарвозаси бошқа ишғол этилмади. Ҳакам томонидан қўшиб берилган вақтда Энтони Эрнандес мувозанатни тиклади. Сўнгги сониялардаги стандарт вазиятдан кейин Кендалл Уостон Коста-Рикага ғалаба келтирган голга муаллиф бўлди.
Қайд этиш керак, Коста-Рика Қатарда ўтадиган ЖЧ—2022 да иштирок этади. Шимолий Америка вакили E гуруҳида Испания, Германия ва Японияга қарши ўйнайди.
Сречко Катанец шогирдлари 22 сентябрь куни ЖЧ—2022 нинг яна бир иштирокчиси Камерунга қарши ўртоқлик ўйини ўтказган ва унда 2:0 ҳисобида ғалаба қозонганди.
Ўртоқлик ўйини
27 сентябрь, сешанба
Ўзбекистон — Коста-Рика 1:2
Голлар: 1:0 – 26 Шомуродов, 1:1 – 90+2 Эрнандес, 1:2 – 90+4 Уостон.Ўзбекистон: Ўткир Юсупов, Умар Эшмуродов, Ҳусниддин Алиқулов, Шерзод Насруллаев (Фаррух Сайфиев, 72), Ҳожиакбар Алижонов, Отабек Шукуров, Одил Ҳамробеков, Сардор Собирхўжаев (Акмал Мозговой, 72), Азиз Турғунбоев (Иброҳимхалил Йўлдошев, 57), Ҳожимат Эркинов (Ойбек Бозоров, 57), Элдор Шомуродов (Игорь Сергеев, 72).
Коста-Рика: Аарон Крус (Патрик Секейра, 46), Хуан Пабло Варгас, Кейшер Фуллер, Брайан Оведо (Карлос Мартинес, 66), Жохан Венегас (Энтони Контрерас, 66), Orlando Гало, Арон Суарес (Энтони Эрнандес, 74), Кендалл Уостон, Brandон Агилера (Брайан Руис, 46), Карлос Мора (Альваро Замора, 46), Дуглас Лопес.
Огоҳлантиришлар: Ҳамробеков (28), Агилера (34), Фуллер (36), Замора (50), Йўлдошев (81).
Изоҳ (0)