Италия терма жамоаси Миллатлар Лигаси 6-турида Венгрияни мағлубиятга учратди (2:0).
Бу ғалаба орқали Роберто Манчини шогирдлари А Лига 3-гуруҳида биринчи ўринни ўринни қўлга киритиб, мусобақа ярим финалига йўл олди. Италия 11 очко тўплади, Венгрияда 10 очко бор. Германия 7 очко билан учинчи ўринда қолган бўлса, Англия (3) сўнгги поғонани банд этиб, Б Лигага равона бўлди.
Аввалроқ Хорватия ва Нидерландия ҳам Миллатлар Лигаси ярим финалига чиққанди.
Ярим финалнинг сўнгги иштирокчиси Португалия ва Испания ўртасидаги 27 сентябрь куни бўлиб ўтадиган ўйинда аниқланади.Португалия 10 очко билан 2-гуруҳда пешқадамлик қилмоқда, Испания ҳисобида 8 очко бор.
Ярим финал ва финал баҳслари 2023 йилнинг июнь ойида бўлиб ўтади.
Изоҳ (0)