Бугун,

  • USD 11095.31
  • RUB 173.84
  • EUR 10772.44

Жаҳоннинг биринчи рақамли шахматчиси Магнус Карлсен ўзи ва Ҳанс Ниманн билан боғлиқ воқеалар юзасидан баёнот берди.

Фото: Getty Images

Фото: Getty Images

Сентябрь ойи бошида ўтказилган Цинкфилд Кубогида гроссмейстерлар 3-турда ўзаро беллашди. Оқ доналарда ҳаракат қилган Карлсен мазкур баҳсда сенсацион мағлубиятни қабул қилиб олди ва унинг 53 ўйиндан иборат мағлубиятсиз сериясига барҳам берилди. Норвегиялик шахмат устаси ушбу партиядан сўнг ҳеч қандай изоҳсиз мусобақани тарк этди.

Кўпчилик Карлсен рақибидан алдов ишлатганликда гумон қилганини айтди. Гап шундаки Ниманн шу вақтга қадар қоидаларга зид бўлган дастурлардан фойдаланган, бироқ онлайн платформаларда ва бунинг учун жазоланган ҳам.

Магнус бу воқеадан бир неча ҳафта ўтиб Чампионс Chess Тоур онлайн шахмат мусобақасида 19 ёшли шахматчи билан яна тўқнаш келди. Бу сафар қора доналарда ҳаракат қилган норвег рақибининг иккита юришидан кейин онлайн платформани тарк этди.

Скрин: «Sports.ru»

Скрин: «Sports.ru»

Амалдаги жаҳон чемпионининг бу ҳаракатлари сабаб барча маълум бўлиб турган бўлса-да, расмий изоҳ берилмаётгани айрим эътирозларни келтириб чиқараётганди. Карлсен ўз ҳаракатларига қуйидагича изоҳ берди:

Цинкфилд Кубогида Ҳанс Ниманнга қарши 3-тур ўйинидан сўнг турнирни тарк этиш борасида кескин қарор қабул қилдим. Бир ҳафта ўтгач, Чампионс Chess Тоур мусобақасида Ниманнга қарши ўйинда битта юришдан сўнг таслим бўлдим.

Биламан, менинг хатти-ҳаракатларим шахмат жамоатчилигида кўпчиликни хафа қилган. Ҳафсалам пир бўлди. Шахмат ўйнашни хоҳлайман. Мен шахматни энг яхши турнирларда энг юқори савияда давом эттирмоқчиман.

Шахматда алдов катта муаммо ва ўйин учун хавф туғдиради деб ҳисоблайман. Шунингдек, турнир ташкилотчилари ва биз севадиган ўйин яхлитлиги ҳақида қайғурадиган барча шахслар хавфсизлик чораларини кучайтириш ва шахмат тахтасида фирибгарликни аниқлаш усулларини жиддий ўйлаб кўришлари керак деб ҳисоблайман.

Ниманн сўнгги лаҳзаларда Цинкфилд Кубогига таклиф қилинганида мен мусобақани тарк этиш ҳақида жиддий ўйладим. Лекин барибир ўйнашга қарор қилдим.

Менимча, Ниманн омма олдида тан олганидан кўра кўпроқ алдаган. Унинг ўзини тутиши ғайриоддий эди, Цинкфилд Кубогидаги ўйинимиз давомида унинг босимни умуман ҳис қилмагани ва ҳаттоки, танқидий позицияларда ўйнашга тўлиқ эътибор қаратмагани, кам сонли ўйинчилар қила оладиган яъни мени қора доналарда мағлуб этгани ҳайрон қолдирди. Бу ўйин менинг нуқтаи назаримни ўзгартиришга ёрдам берди.

Фирибгарликлар борасида нимадир қилиш керак ва ўз навбатида, мен ўтмишда қайта-қайта алдаган одамларга қарши ўйнашни хоҳламайман, чунки улар келажакда яна нимага қодир бўлишини билмайман.

Яна бир нарсани айтмоқчиман. Афсуски, мен ҳозирда Ниманнинг розилигисиз бирор нарса гапиришим чекланган. Шу вақтга қадар фақат ўз ҳаракатларим билан гапира олардим ва бу ҳаракатларим Ниманн билан шахмат ўйнашни истамаётганимни аниқ кўрсатиб турарди.

Бу борадаги ҳақиқат нима бўлишидан қатъи назар ошкор бўлади деб умид қиламан.

Магнус Карлсен, шахмат бўйича жаҳон чемпиони

Изоҳ
Асосий янгиликлар
Дунё
«Туркия янги дунё тартибининг марказида бўлиши керак» — Эрдўғон
Маҳаллий
Андижонда 41 киши жароҳатланган автоҳалокат қурбонлари сони 4 нафарга етди
Дунё
Литвада ҳам рус тилини ўқитишдан воз кечиш таклиф қилинди