Европа супермаркетлари энергия нархининг кескин кўтарилиши ва шу сабабли сабзавот ҳамда мева ишлаб чиқаришнинг камайиши ортидан озиқ-овқат тақчиллигини қисқартириш учун Туркиядан етказиб берувчилар билан музокаралар олиб бормоқда. Бу ҳақда Туркиянинг Milliyet газетаси хабар бермоқда.
Европа иссиқхоналарида сабзавот ва меваларни ишлаб чиқариш деярли 40 фоизга камайган.
Шунинг учун дўконлар ва озиқ-овқат сотувчилари танқисликни қоплаш учун Анталиядаги фермерлар билан музокаралар бошлаган.
Европа чакана сотувчилари нақд пул бериш ва кафолатланган сотиб олиш модели бўйича тижорат шартномаларини имзолашга интилмоқда.
Иссиқхонада ишлаб чиқаришни Туркияга кўчириш ниятида бўлган европаликлар ҳам бор, — деб ёзади Milliyet.
Аввалроқ Туркия Марказий банки асосий ставкани яна пасайтиргани ва бунинг ортидан лира қадрсизлана бошлагани ҳақида хабар берилган эди.
Изоҳ (0)