Ўзбекистон Хитойга қовун қоқи ва ловия экспорт қилади

Ўзбекистон элчихонаси Ўсимликлар карантини ва ҳимояси агентлиги билан ҳамкорликда Ўзбекистон маҳсулотларини Хитой бозорига олиб кириш бўйича фаол иш олиб бормоқда. Бу ҳақда «Дунё» ахборот агентлигига таяниб, EastFruit хабар берди.

Хитой халқ республикаси раисининг Ўзбекистонга давлат ташрифи доирасида Ўсимликлар карантини ва ҳимояси агентлиги ҳамда Хитой Божхона бош бошқармаси ўртасида Ўзбекистондан ловия ва қовун қоқи экспорти учун фитосанитария талаблари тўғрисидаги баённомалар имзоланди.

Имзоланган протоколлар Хитойга экспорт ҳажмини оширишда янги имкониятларни пайдо қилмоқда. 

Ўзбекистондан Хитойга экспорт қилинадиган барча маҳсулотлар санитария-гигиена меъёрлари, фитосанитария қоидалари ва баённомаларда кўрсатилган талабларга жавоб бериши керак.

Ўзбекистонлик фермерлар ўз маҳсулотларини Хитой бозорига экспорт қилишни ташкил этиш учун Ўсимликлар карантини ва ҳимояси агентлигига мурожаат қилишлари мумкин, у қабул қилинган протоколларга мувофиқ, Хитой талабларига кўра етказиб берувчилар рўйхатини шакллантиради.

Аввалроқ Хитойга 17 турдаги қишлоқ хўжалиги маҳсулотларини, жумладан, гилос, мош, сархил қовун, кунжут кабиларни экспорт қилишга рухсат олинган эди.