Британиянинг янги бош вазири Лиз Трасс ҳукумати 2030 йилга бориб мудофаа бюджетини икки бараварга яъни 100 миллиард фунт стерлингга (108,45 миллиард доллар) етказмоқчи. Бу ҳақда Буюк Британия мудофаа вазири Бен Уоллес The Telegraph нашрига берган интервьюсида маълум қилди.
«Агар қандайдир ўзгаришлар бўлмаса, биз 2 фоизга (ЯИМдаги мудофаа харажатлари) қараб кетмоқдамиз. Гап 2029—2030 йилларга қадар 100 миллиард фунт стерлинг миқдоридаги мудофаа бюджети ҳақида кетмоқда. Ҳозир бу 48 миллиард фунт стерлингни ташкил этади», — деди Мудофаа вазирлиги раҳбари.
Уоллес қўшимча маблағлар қаерга йўналтирилиши ҳақида аниқ маълумот бермади, бироқ вазирлик ахборот маълумотларини йиғиш, кузатув ва разведка имкониятларини ҳамда дронларга қарши кураш қобилиятини кучайтиришни режалаштираётганини айтди. «Агар шу кичик дронларни ҳам уриб тушира олмасак, биз жуда заифмиз», — деди у.
Шу ҳафта Британия бош вазири идораси йил охиригача ҳукумат кенг қамровли хавфсизлик, мудофаа ва ташқи сиёсат шарҳининг янгиланган версиясини нашр этишини эълон қилди. Лондон янги доктринада Россия ва Хитойдан келаётган таҳдидларга қарши курашишга эътибор қаратишини ваъда қилмоқда.
Изоҳ (0)