Букингем саройининг Twitter’даги саҳифасида Британия қироличаси Елизавета II нинг қабртоши сурати чоп этилди.
Қабртош Виндзордаги қирол Георг VI мемориал ибодатхонасига ўрнатилган. Унинг асоси Бельгия қора мармаридан иборат бўлиб, жез ёзувлари билан безатилган ва ибодатхона полига ўрнатилган. Атрофига гулчамбар ва гулдасталар териб қўйилган.
Қабртошга қироличанинг ота-онаси ва турмуш ўртоғининг исмлари ҳамда ҳаёт йиллари ҳам ўйиб ёзилган: «Георг VI 1895—1952», «Елизавета 1900—2002», «Елизавета II 1926—2022» ва «Филипп 1921—2021».
Қиролича Елизавета II 8 сентябрь куни Шотландиядаги Balmoral қасрида 96 ёшида вафот этди. 19 сентябрь куни унинг дафн маросими бўлиб ўтди. Британия қироллиги тахтини шаҳзода Чарльз эгаллади ва ўзига Чарльз III номини олди.
Изоҳ (0)