Шаҳзода Гаррининг рафиқаси — собиқ актриса Меган Маркл Елизавета II нинг дафн маросимида инглизлар орасида салбий ҳис-туйғуларни келтириб чиқарди, деб ёзади Wday.
Жамоатчиликнинг шаҳзода Гаррининг рафиқасига бўлган муносабати унинг хулқ-атвори ва қироллик қоидаларига риоя қилишни истамаслиги туфайли аввалдан жуда салбий эди. Меган асрлар давомида ўрнатилган тизимга қарши чиқди ва қироллик оиласини турмуш ўртоғи билан тарк этишга қарор қилганидан сўнг шаҳзода Гаррининг ҳам оиласи билан муносабатлари ёмонлашди.
Жуфтлик АҚШга кўчиб кетганига икки йил бўлганда ҳам Маркл Буюк Британияга келмади. Фақатгина Елизавета II нинг платина юбилейи олдидан биринчи марта шаҳзодага ҳамроҳлик қилишга қарор қилди. Шунингдек, Меган Маркл ва шаҳзода Гарри қироличанинг ўлими туфайли Лондонга келишга мажбур бўлди.
Собиқ актриса қироличанинг вафотидан сўнг турмуш ўртоғи билан кўриниш берган заҳоти унинг ҳар бир хатти-ҳаракати танқид остида қолди. Меган ва Гарри одамлар эътиборини ортиқча жалб қилмаслик учун ҳатто оғзаки бўлмаган мулоқот усулини ҳам топди.
Собиқ актриса Елизавета II нинг дафн маросимида катта норозиликни келтириб чиқарди. Биринчидан, Меган Маркл қорнини алоҳида таъкидлайдиган қора тор либосда бўлган. Бу дафн маросимида унинг ҳомиладорлиги ҳақидаги миш-мишларни қўзғатди. Шунинг учун ҳам инглизлар у яна бир бор эътиборни жалб қилишга уринаётганидан норози бўлди.
Шунингдек, кўпчилик унинг жигарранг тусда бўлган smoky eyes услубидаги макияжи дафн маросими учун мутлақо мос эмаслигини таъкидлади. Айниқса, Меган йиғлаганида эса жамоатчилик буни табиий қабул қилмади, аксинча бу навбатдаги салбий фикрларга сабаб бўлди.
Интернет фойдаланувчилари актрисанинг кечинмаларини жонсиз эканини муҳокама қила бошлади, ҳеч ким унинг самимийлигига ишонмади. «Оскарсиз актриса», «Ҳақиқатан ҳам унга кимдир ишондими?», «Меган, сен буни ўйнай олмайсан», «Мен унинг кўз ёшларига ишонмайман», — дея фикр билдирган Интернет фойдаланувчилари.
Изоҳ (0)