«Оскар» совриндори Бред Питт «Le Domaine» номли терини парвариш қилишга мўлжалланган косметик брендини тақдим этди. Бренд жинсидан қатъи назар, барча тери турлари учун мўлжалланган ва табиий, барқарор маҳсулотлардан тайёрланган.
Косметикани яратишда Питт ўзининг собиқ севгилиси Гвинет Пелтроунинг Goop брендидан илҳомланган.
«У ҳали ҳам менинг дўстим, у бутун бир империяни яратди. Гвинет куратор сифатида ҳар доим ўзига хос бўлган, у учун бу ажойиб ижодий имконият эди. Дарҳақиқат, у мени кунига икки марта юзимни ювишга мажбур қиларди», — деб эслайди Питт Vogue журналига берган интервьюсида.
Крем флюид-крем, сарум ва тозаловчи эмульсияни ўз ичига олади. Le Domaine’ни яратишда Питтга Перрин виночилар оиласи шериклик қилган. Маҳсулотлар икки хил: Сира ва Мурведр узум навининг қобиғидаги антиоксидантлар ва уруғларидан тайёрланади.
Ишлаб чиқариш жараёнлари Бред Питтнинг собиқ рафиқаси, Голливуд юлдузи Анжелина Жоли билан бирга 2012 йилда сотиб олган Chateau Miraval вино заводида бўлиб ўтди. Ҳозирда уларнинг иккаласи ҳам вино заводи бўйича суд жараёнида иштирок этмоқда.
Мавзуга доир:
- Голливуд юлдузи Бред Питт 20,5 миллион долларни кимларга ва нима учун берди?
- Анжелина Жоли бундан бир неча йил аввал Бред Питтни зўравонликда айблагани маълум бўлди
- Голливуд юлдузи Бред Питт қайси актёрлар билан ҳеч қачон бир фильмда суратга тушмаслиги маълум қилинди
- Бред Питт 40 миллион долларга орзусидагидек океан яқинида жойлашган уйни сотиб олди (фото)
Изоҳ (0)