Австралиянинг Тасмания ороли ғарбий соҳилида 230 га яқин кит топилди.
Тасмания табиий ресурслар ва атроф-муҳит департаменти маълумотларига кўра, Оушин-бич соҳилига чиқариб ташланган жониворлар кўринишидан учувчи китлар турига киради, уларнинг камида ярми ҳали тирик экани айтилмоқда.
«Денгизни муҳофаза қилиш дастури» гуруҳи китларни қутқариш учун асбоб-ускуналарни йиғиб, ҳудудга йўл олди», — дейилади департаментда.
Маҳаллий аҳоли вакилларидан бири Австралия радиоэшиттириш корпорациясига Маккуори бандаргоҳига кираверишда китларни кўрганини айтган. Маҳаллий ҳокимият одамларни бу жойлардан узоқроқ туришга чақирди.
19 сентябрь куни Мелбурн ва Тасмания шимолий қирғоғи ўртасидаги Басс бўғозида жойлашган Қирол оролида 14 та кашалот топилган эди.
Изоҳ (0)