Бугун,

  • USD 11095.31
  • RUB 173.84
  • EUR 10772.44

Болливуднинг афсонавий актрисаларидан бири Рекҳанинг карьераси қай йўсинда бошланган? Томошабинлар у ҳақда қандай фикрда бўлган? Bollywoodtime нашри ушбу саволларга жавоб беради.

Фото: Bollywoodtime

Рекҳа Тамил саноатининг икки юлдузи Жемини Ганешан ва Пушпавалли ўртасидаги муҳаббат меваси эди. Унинг отаси ўзини актёрликда синаб кўришга қарор қилган оилали бадавлат одам эди. Онаси эса етакчи актриса ва миш-мишларга кўра, у ишлайдиган студия эгасининг севгилиси эди. Жемини ва Пушпавалли бир фильмда бирга рол ўйнади ва актрисанинг оз бўлса-да машҳурлиги Рекҳанинг отасига карьера учун кўмак бўлди.

Жемини Ганешан

Жемини Ганешан
Фото: Bollywoodtime

Кўп ўтмай ҳамкасблар бир-бирини севиб қолди. Студия эгаси Пушпаваллига шарт қўйди: ё оилали эркак билан муносабатларни тугатади ёки у кинодаги фаолиятини якунлайди. Пушпавалли қалбига қулоқ солди ва муҳаббатни танлади. Натижада ҳеч нарсага эриша олмай, студияни тарк этди. Орадан 5 йил ўтиб, унинг оилали севгилиси Болливуд кўрган энг катта кино юлдузларидан бирига айланди. Аммо Пушпавалли икки қизи билан карьерасиз ёлғиз қолди.

Пушпавалли

Пушпавалли
Фото: Bollywoodtime

Собиқ актриса бадавлат ва машҳур ота томонидан унутилган болалари билан қашшоқлик ёқасида кун кечирарди. Афсуски, Рекҳа никоҳсиз туғилган фарзанд эди. Рекҳа оилада ўртанча фарзанд бўлиб, у ва унинг опаси Радҳанинг ҳам отаси Жемини Ганешан. Сўнгра камбағал оилада яна бир ноқонуний бола дунёга келди. Ҳеч бир боласи учун Пушпавллига алимент тўланмагани туфайли ҳам улар аранг ҳаёт кечирарди.

Рекҳа ва унинг опаси Радҳа

Рекҳа ва унинг опаси Радҳа
Фото: Bollywoodtime

Рекҳа ҳамма қийинчиликлардан ташқари, жуда машҳур отанинг қизи бўлишнинг масъулиятига ҳам эга эди. Бўлажак актрисанинг синфдошлари ва дўстлари унинг ҳикоясини ундан ҳам яхшироқ биларди. Мактабда уни ҳақоратлашар, Рекҳа эса уларнинг масхараларига жавоб бермаслик учун «терисини қалин» қилиши керак эди.

Фото: Bollywoodtime

Рекҳа улғайиб, фильмларда суратга туша бошлаганида, унинг ҳақиқий истеъдод эгаси экани намоён бўлди. Болливуд кино продюсери унга шартнома имзолаш учун катта пул таклиф қилганидан сўнг она жуда ёш қизини ёлғиз Бомбейга ишлаш ва бутун оилани боқиш учун юборишдан тортинмади. Бундай вазиятда Рекҳа таклифни рад этиб, муваффақиятсизликка бўйин эгса, 5 киши очликдан ўлиши тайин эди.

Фото: Bollywoodtime

14 яшар Рекҳанинг ёнида на оиласи, на бошқа яқини бор эди. Режиссёр дарров бўса олиш саҳнаси фильм учун яхши реклама бўлади, деб қарор қилди. Оммавий ахборот воситаларида ёш Рекҳа беҳаёликнинг тимсоли сифатида тилга олинди. Фильмдаги муҳаббат ҳақиқийлиги ва уни тараннум этувчи бошқа саҳналар актрисанинг ўзига ҳам ёқиб тушганлиги ҳақида ёзишди. Шу тарзда актриса турли хил танқидлар ичига кўмилиб кетди. Рекҳа ўша йилларнинг томошабинлари тасаввурида енгилтак актриса сифатида намоён бўлди.

Фото: Bollywoodtime

Болливудда ўтган асрнинг 70 йилларнинг бошлари машҳурлар ҳақидаги даҳшатли мақолалари даври эди. Йирик нашрлар кўпинча интервью уюштириб, уларнинг обрўсини янада оширар эди. Рекҳанинг суратга олиш майдончасидаги хатти-ҳаракатлари ҳам журнал саҳифаларини тўлдирди.

Рекҳа ва Винод Меҳра

Рекҳа ва Винод Меҳра
Фото: Bollywoodtime

Рекҳага нисбатан бўлган шов-шувлардан кейин у икки маротаба жиддий муносабатга киришди. Аввал Житендра, кейин эса Винод Меҳра билан. Айтишларича, у Винод билан шаръий никоҳда бўлган, лекин расмий равишда турмуш қурмаган. Виноднинг онаси эса уларнинг бирга бўлишига рухсат бермаган.

Фото: Bollywoodtime

Бундан ташқари, карьерасининг бошида Рекҳа бу касбга жиддий қарашдан бош тортди. У ўзини мактаб ўқувчиси каби тутди, дарсларни қолдирди, парҳез, бўяниш, костюмлардан нафратланди. У имкон қадар камроқ ишлашни, суратга тушишни ўтказиб юборишни хоҳларди, бунинг ўрнига дўконларда айланишга ва ҳаётдан завқланишга вақт сарфларди.

Фото: Bollywoodtime

Шундай қилиб бу Рекҳанинг Болливуд оламига кириб келиши эди. У оммавий ахборот воситалари бонг урганидек енгилтак актриса сингари тузоққа тушишига бир бахя қолди. Албатта, бундай актрисалар бир лаҳзада йўқ бўлиб кетади ёки иккинчи даражали ролларни ўйнайди.

Фото: Bollywoodtime

Тез орада у ўзини, қиёфасини ва ишга муносабатини бутунлай ўзгартирди. Унинг ҳаётига Болливвуд қироли Амитабҳ Баччан ҳам кириб келди. Бу актрисанинг карьераси гуллаб-яшнаган вақтга тўғри келди. Машҳур актрисани янги саҳифа ва саргузаштлар карьерасининг навбатдаги босқичида кутиб турар эди.

Изоҳ
Асосий янгиликлар
Дунё
Путин расмий қароргоҳида зинадан йиқилиб тушгани айтилмоқда
Маҳаллий
«Машина минишни қимматлаштириш керак». Дониёр Ғаниев тирбандликларни камайтириш, аҳолини жамоат транспортига ўргатиш учун нималар қилиш зарурлиги ҳақида
Маданият
«Уйда ёлғиз» фильми юлдузи шапкаси ёнаётган саҳнани суратга олиш пайтида боши куйиб қолгани ҳақида гапирди