Бугун,

  • USD 11014.01
  • RUB 191.8
  • EUR 10674.78

Ўзбекистонда 1—11 сентябрь кунлари бозорларда қишлоқ хўжалиги ва гўшт маҳсулотларининг улгуржи нархлари ҳақида маълумот берилди.

Фото: «Дарё»/ Дилруҳ Исомиддинова

Фото: «Дарё»/ Дилруҳ Исомиддинова

Ушбу давр мобайнида бозорда пиёз 250 сўмга ва лимон 11 минг сўмга арзонлаган бўлса, киви 2,5 минг сўмга ҳамда лавлаги 750 сўмга ошган.

Жорий йилнинг 1—18 сентябрь кунлари умумий қиймати 60,6 млн долларлик (ўтган йилнинг мос даврига нисбатан 15,6 млн доллар кўп) жами 76,4 минг тонна (5,5 минг тонна кўп) қишлоқ хўжалиги маҳсулотлари экспорти амалга оширилди.

Мазкур даврда ташқи бозорларга:

  • 37,6 минг тонна узум;
  • 6,4 минг тонна қовун;
  • 5,1 минг тонна хурмо;
  • 3,5 минг тонна ловия;
  • 2,5 минг тонна қуритилган мева;
  • 2,4 минг тонна анор;
  • 1,9 минг тонна нок;
  • 1,8 минг тонна майиз;
  • 1,7 минг тонна пиёз етказиб берилган.

Ушбу давр мобайнида 6,6 млн доллар (ўтган йилнинг мос даврига нисбатан 4,3 млн доллар кўп) қийматдаги жами 34,2 минг тонна (25,3 минг тонна кўп) қишлоқ хўжалиги маҳсулотлари, хусусан, 22,4 минг тонна банан, 8,5 минг тонна картошка, 232 тонна апельсин ҳамда 133 тонна лимон импорт қилинган.

«Қўйлиқ» бозорига ҳудудлардан жами 18,9 минг тонна, хусусан, 8,2 минг тонна картошка, 8,1 минг тонна пиёз, 548 тонна карам ва 2,1 минг тонна сабзи келтирилган.

Шунингдек, «Қўйлиқ» бозорига Қозоғистондан 3 583 тонна картошка ва 177 тонна пиёз келтирилган.

Шу билан бирга, ҳудудлардан «Чорсу» деҳқон бозорига 1—18 сентябрь кунлари жами 193,8 тонна, жумладан, 165,7 тонна мол гўшти ва 28,1 тонна қўй гўшти келтириб сотилган.

Изоҳ
Асосий янгиликлар