Кейинги йилларда миллионерлар сони кескин ошиши кутилмоқда

Келгуси беш йил ичида бутун дунё бўйлаб миллионерлар сони 40 фоизга ўсади. Бу ҳақда Bloomberg хабар берди.

Global Wealth Report 2022 ҳисоботига кўра, 2026 йилга келиб, камида 1 миллион доллар бойликка эга бўлган 87,5 миллиондан ортиқ одам бўлади. Бу 2021 йилда бу кўрсаткич 62,5 миллионга тенг бўлган.

Прогнозлар шуни кўрсатадики, ривожланаётган мамлакатларда бу рақам тезроқ ўсади. Хитойда миллионерларнинг умумий сони деярли икки баравар ошади.

Дунёдаги энг бой 500 киши йилнинг биринчи ярмида жами бойлигидан 1,4 триллион доллар йўқотган бўлса-да, Credit Suisse, айниқса, ривожланаётган бозорлар учун тез тикланишни кўрмоқда.

Инфляция ва Россия—Украина урушидаги муваффақиятсизликларга қарамай, биз умумий глобал бойлик ўсишда давом этишига ишонамиз, — дейилади ҳисоботда.

Credit Suisse прогнозларига кўра, 2026 йилга бориб одамларнинг шахсий бойлиги 36 фоизга ошиб, 169 триллион долларни ташкил этади.

Катта ёшли кишиларнинг бойлиги дунё бўйлаб 28 фоизга ошади ва 2024 йилда 100 минг долларга етади. 50 миллион доллардан ортиқ бойлиги мавжуд шахслар сони ортиб, 385 минг бўлади.

Ривожланаётган бозорлар Cовид-19 пандемияси пайтида қаттиқ зарба олди ва бойлик ўсиши секинлашди. Аммо улар ўтган йили жадалликни тиклади. Ривожланаётган мамлакатларда бойлик ҳар йили 10 фоизга ошади, юқори даромадли мамлакатларда бу кўрсаткич 4,2 фоизга тенг.

2021 йилда жаҳон бойлиги 2020 йилга нисбатан 9,8 фоизга ошиб, 463,6 триллион долларни ташкил этди, бу аср бошидан бери энг катта ўсишлардан бири.

АҚШда энг юқори даромадли шахслар — 140 мингдан ортиқ, Хитойда эса 32,7 минг киши.

Бой давлатлар ва нисбатан бойлик даражаси паст давлатлар ўртасидаги фарқ қисқарди, хусусан, паст ва ўрта даромадли мамлакатлар тезроқ ўсмоқда, — деди Credit Suisse иқтисодчиси ва ҳисобот муаллифи Энтони Шоррокс.

Аввалроқ ҳиндистонлик миллиардер Жефф Безосни ортда қолдириб, дунёдаги иккинчи энг бой одамга айлангани ҳақида хабар берилганди.