Tojikiston prezidenti Emomali Rahmon va Shavkat Mirziyoyev o‘rtasida 20-sentabr kuni telefon orqali muloqot bo‘lib o‘tdi. Bu haqda Tojikiston prezidenti matbuot xizmati xabar berdi.
Suhbat chog‘ida davlat rahbarlari Samarqandda bo‘lib o‘tgan Shanxay hamkorlik tashkiloti sammiti yakunlarini muhokama qildi. Emomali Rahmon ushbu muhim hududiy tadbirning tashkiliy jihatiga va mazmun-mohiyatiga yuksak baho berdi. Tojikiston prezidenti O‘zbekiston prezidentiga samimiy qabul va an’anaviy mehmondo‘stlik uchun minnatdorlik bildirdi. Shuningdek, davlat rahbarlarining uchrashuvi yakunlari bo‘yicha qaror va hujjatlarning muhim paketi qabul qilinganini qayd etdi.
Shu bilan birga, Tojikiston prezidenti O‘zbekiston prezidentiga tojik-qirg‘iz chegarasidagi vaziyatning so‘nggi o‘zgarishlari haqida ham ma’lumot berdi. Tomonlar strategik sheriklik va ittifoqchilik doirasidagi do‘stlik, yaxshi qo‘shnichilik va o‘zaro manfaatli hamkorlikka oid ayrim dolzarb masalalarni ham muhokama qildi.
Mavzuga doir:
Izoh (0)