Қозоғистон президенти Қосим-Жўмарт Тўқаев Самарқандда 16 сентябрь куни ШҲТга аъзо давлатлар Давлат раҳбарлари кенгашининг тор доирадаги мажлисида иштирок этди.
У ўз нутқида Шавкат Мирзиёевга ШҲТнинг Самарқандда бўлиб ўтаётган навбатдаги саммити меҳмондўстлиги ва юқори савияда ташкил этилгани учун миннатдорлик билдирди.
Қозоғистон президенти ШҲТ ўзининг умумбашарий ваколати ва ўзаро бирлашуви туфайли замонамизнинг энг долзарб муаммоларини ҳал этишга салмоқли ҳисса қўшиши мумкин ва керак деб ҳисоблайди.
У ШҲТнинг ҳозирги босқичдаги устувор фаолият йўналишлари бўйича ўз қарашларини билдирди.
«Олдимизда ШҲТни глобал иқтисодий платформага айлантириш масаласи турибди.
ШҲТ — замонавий дунёдаги энг муваффақиятли ташкилотдир. Бизнинг ғояларимизда қарама-қаршилик ва блок йўқ, бу унинг жозибадорлигини оширишга ёрдам беради. Шу боис ташкилот географияси табиий равишда йилдан йилга ўсиб бормоқда», — деди Қозоғистон президенти.
Изоҳ (0)