Qozog‘iston prezidenti Qosim-Jo‘mart To‘qayev Samarqandda 16-sentabr kuni SHHTga a’zo davlatlar Davlat rahbarlari kengashining tor doiradagi majlisida ishtirok etdi.
U o‘z nutqida Shavkat Mirziyoyevga SHHTning Samarqandda bo‘lib o‘tayotgan navbatdagi sammiti mehmondo‘stligi va yuqori saviyada tashkil etilgani uchun minnatdorlik bildirdi.
Qozog‘iston prezidenti SHHT o‘zining umumbashariy vakolati va o‘zaro birlashuvi tufayli zamonamizning eng dolzarb muammolarini hal etishga salmoqli hissa qo‘shishi mumkin va kerak deb hisoblaydi.
U SHHTning hozirgi bosqichdagi ustuvor faoliyat yo‘nalishlari bo‘yicha o‘z qarashlarini bildirdi.
“Oldimizda SHHTni global iqtisodiy platformaga aylantirish masalasi turibdi.
SHHT — zamonaviy dunyodagi eng muvaffaqiyatli tashkilotdir. Bizning g‘oyalarimizda qarama-qarshilik va blok yo‘q, bu uning jozibadorligini oshirishga yordam beradi. Shu bois tashkilot geografiyasi tabiiy ravishda yildan-yilga o‘sib bormoqda”, — dedi Qozog‘iston prezidenti.
Izoh (0)