Бугун,

  • USD 11014.01
  • RUB 191.8
  • EUR 10674.78

Украина президенти Владимир Зеленскийнинг кортежи Киевда ҳалокатга учради, деб ёзади «РБК» давлат раҳбарининг матбуот котиби Сергей Никифоровга таяниб.

Фото: Anadolu Agency

Фото: Anadolu Agency

«Киевда енгил машина Украина президентининг автомобили ва ҳамроҳлик қилувчи машиналар билан тўқнашиб кетди… Президентни шифокор кўрикдан ўтказди, жиддий шикастланишлар аниқланмади», — деб ёзди у.

Президент кортежи билан тўқнашган енгил автомобиль ҳайдовчиси жароҳатлар олган. Президентга ҳамроҳлик қилган шифокорлар унга биринчи ёрдамни кўрсатган, сўнг «тез ёрдам» ходимларига топширган.

Никифоровнинг сўзларига кўра, ҳодиса ҳуқуқ-тартибот органлари томонидан текширилади. Матбуот котиби бошқа тафсилотларни келтирмади.

Зеленский Киевга Харьков вилоятининг Изюм шаҳридан етиб келган. 14 сентябрь куни Владимир Зеленский Украина Қуролли кучлари томонидан қарши ҳужум пайтида озод қилинган Харьков вилоятининг Изюм шаҳрига келган эди. Изюм апрель бошида Россия қўшинлари томонидан эгалланган эди. Украина Қуролли кучлари сентябрь ойи бошида Харьков ва Херсон вилоятларида бошланган кенг кўламли қарши ҳужум давомида шаҳар устидан назоратни қайтариб олди. Изюм маъмуриятининг маълум қилишича, шаҳар учун жанглар ва оккупация пайтида камида минг нафар маҳаллий аҳоли ҳалок бўлган, бу ҳисобга тиббий ёрдам олиш имконияти йўқлиги сабаб вафот этганлар киритилмаган.

Зеленскийнинг кортежи 2019 йил июлида ҳам ҳалокатга учраган эди, ўшанда у Запорожье вилоятида болаларни олиб кетаётган бир нечта автобуслар билан тўқнашган. Кортеж таркибидаги бир микроавтобусга зарар етган, авария натижасида ҳеч ким жабрланмаган эди. Зеленскийнинг ўзи ҳалокат жойида бўлмаган, у Киевга самолётда учиб кетган.

Изоҳ
Асосий янгиликлар