Франциянинг Air France авиакомпанияси мамлакатдаги авиадиспетчерларнинг иш ташлаши сабаб 16 сентябрь кунига белгиланган рейсларининг ярмини бекор қилмоқда. Бу ҳақда «Интерфакс» хабар берди.
Компания маълумотларига кўра, 16 сентябрь куни 800 та рейсдан 400 таси бекор қилинади. Бу шуни англатадики, Air France ўша кунга белгиланган қисқа ва ўрта масофали рейсларнинг 45 фоизини, узоқ масофали рейсларнинг тахминан 90 фоизини амалга оширади.
14 сентябрь куни эрталаб Франция фуқаро авиацияси маъмурияти авиакомпаниялардан Франция аэропортларидаги рейслар сонини икки баравар камайтиришни сўради, йўловчиларни эса диспетчерларнинг иш ташлаши сабаб жума куни рейслар жадвали ўзгариши ҳақида огоҳлантирди.
Европа фуқаро авиацияси саноати коронавирус пандемиясидан кейин йўловчилар оқимининг кўпайиши фонида охирги пайтларда ходимлар етишмаётгани ва иш ҳақини ошириш талаби билан иш ташлашлар бўлаётгани туфайли кўплаб муаммоларга дуч келмоқда.
Изоҳ (0)