Оломондан ажралиб туриш ва дунёни яхши томонга ўзгартириш учун монарх бўлиш шарт эмас. 2022 йил 8-сентябрда Буюк Британия қироличаси Елизавета II 96 ёшида вафот этди. У Британия тарихидаги энг узоқ — 70 йил давомида ҳукмронлик қилган қиролича ҳисобланади ва ундан ўрганиш керак бўлган нарсалар талайгина, деб ёзади Lifehacker.
Оломондан ажралиб туришдан қўрқманг
Қиролича ҳеч қачон орқа фонда қолмаган. Бунинг кристал ва 10 минг марварид билан безатилган кўйлак, юзлаб ғайриоддий шляпа ёки 2018 йилда бўлиб ўтган Гарри ва Меган Марклнинг тўй маросимидаги лайм рангидаги ёрқин костюмни эслаш кифоя. Елизавета II одатдаги либослардан қониқмаган ва ғайриоддий образни танлаган.
Одамларни нафақат сизнинг орқангиздан ҳам қаратадиган, балки ўзини вазиятнинг ҳақиқий эгаси каби ҳис қилишга имкон берадиган либосларни кийинг.
Мураккаб ва қора меҳнатдан қочманг
Албатта, Елизавета II барча Қироллик вазифалари ва протоколларига мувофиқ таълим ва тарбия олди. Аммо у ҳам малакали механик эди ва ҳар қандай двигатель билан қандай курашишни биларди. Бундан ташқари, Иккинчи жаҳон уруши пайтида 18 ёшли Елизавета юк машинаси ҳайдовчиси ва аёлларни қўллаб‑қувватловчи ҳудудда механик сифатида хизмат қилган.
Эсингизда бўлсин, ҳар қандай севимли машғулот ёки касб қанчалик қийин бўлмасин ўз самарасини беради ва сизни янги чўққиларга олиб чиқади.
Яхшилик қилиш муҳим
Агар яхшилик қилишни ёқтирсангиз, қиролича сингари кичик жамоа ёки бутун мамлакат ҳаётини яхшилашингиз мумкин. Елизавета II Буюк Британия ва Ҳамдўстлик мамлакатларининг 600 дан ортиқ хайрия ташкилотларининг ҳомийси — қишлоқ хўжалиги ёки соғлиқни сақлаш билан боғлиқ фондлардан тортиб, болалар ва ёшлар ёки спорт ва дам олиш билан шуғулланадиган жамиятларгача.
Атрофингиздаги дунёни қандай ўзгартириш мумкинлигини ўйлаш учун бироз вақт ажратинг. Бошқаларга ёрдам беришни бошлашга ҳеч қачон кеч эмас.
Ўйин-кулги учун вақт топинг
Қиролича бўлиш катта масъулиятдир. Аммо баъзида завқланиш учун дам олиш мумкин. Елизавета II қишлоқда вақт ўтказишни, ўзининг севимли коргилари билан сайр қилишни ва отхоналарга ташриф буюришни яхши кўрарди. У ҳатто Даниэль Крейг (Жеймс Бонд ҳақидаги фильмда) билан вертолётдан сакрашни ҳам синаб кўрди.
Қанча иш, ўқиш ёки ўта жиддий вазифалар бўлишидан қатъи назар, ўзингизни хурсанд қилишга ва кулишга рухсат беринг. Ҳеч бўлмаганда вақти-вақти билан.
Янги жойлар ва одамлар билан танишиш
Елизавета II тарихдаги энг кўп саёҳат қилган Британия монархи эди. У камида 110 давлат ва ҳудудларга ташриф буюрди. У 50 ёшга тўлганидан кейин ҳам 43 мамлакатга саёҳат қилди. Елизавета II турли жойларга ташриф буюриб, маҳаллий аҳолини кузатиб, одамларнинг маданияти ва эҳтиёжларини яхшироқ тушунган ва ҳатто дунё ҳақидаги қарашларини ўзгартирган.
Одамлар билан танишишдан қўрқманг. Эҳтимол, улар сизнинг умр бўйи энг яхши дўстларингизга айланиши мумкин.
Изоҳ (0)