Пойтахтда 13— 18 сентябрь кунлари «Ипак йўли дурдонаси» XIV Тошкент халқаро кинофестивали бўлиб ўтмоқда. Унда дунёнинг 40 та давлатидан 500 дан ортиқ кинематографлари иштирок этади. Кинофестиваль доирасида 150 та бадиий, ҳужжатли ва қисқа метражли фильмлар намойиш этилиши режалаштирилган. «Дарё» мухбирлари кинофестивалнинг тантанали очилиш маросимида иштирок этиб, фото ва видео репортаж тайёрлади.
Ўзбек ва жаҳон киноси юлдузлари қизил йўлакдан очилиш маросими бўлиб ўтадиган ёзги боғ томон йўл олди. Юзлаб мухлислар севимли актёрларини кутиб олиш учун ташриф буюрган.
«Киночилар уйи» ҳовлиси кино санъатига монанд безатилган, у ерда нафақат ёш кино мухлисларини, балки ёши улуғ инсонларнинг ҳам ташриф буюргани қувонарли ҳол.
Қизил йўлакни устоз санъаткорлар гуруҳи очиб берди.
Ундан сўнг хорижлик меҳмон киноижодкорлар қизил йўлакни босиб ўтди.
Тадбир бошловчилар қизил йўлакдан ўтадиган ҳар бир киноижодкорни таништириб ўтди.
Энди навбат ёш киноижодкорларга берилди. Улар орасида блогерлар ҳам бор.
Мухлислар эмоциясини акс эттирган йигитлар томошабинларга ўзгача кайфият улашди.
Устоз актрисалар ҳам муносиб қарши олинди.
Нилуфар Сотиболдиева рус ва инглиз тилида меҳмонларни таништирди.
Шоҳруххон қизил йўлакдан онаси Зебо Наврўзова ва турмуш ўртоғи Асал Шодиева билан ўтди.
Актриса Ситора Фармонова фестиваль унга манзур бўлаётгани ва хорижлик киноижодкорлар билан яқиндан танишгани ҳақида сўзлаб берди.
Блогер Тимур Алихонов «Дарё» мухбири билан фестиваль таассуротларини ўртоқлашмоқда.
Актриса Муқаддас Саъдуллаева тадбирга жияни Абдуллоҳ Маъсудов билан ташриф буюрди. Негадир Йигитали Мамажонов фестивалда кўриниш бермади.
Алишер Узоқов ўтган галги кинофестивалга таклиф этилмаганидан ранжиганди. Бу сафар ҳаммаси жойидага ўхшайди.
Бурак Ўзчивит билан суратга тушишни истовчилар ниҳоятда кўп бўлди.
Кинофестивални кўриш учун йиғилган минглаб томошабинлар.
Улуғбек Қодировга нимадир ёқмади, шу боисданми интервью беришни ҳам истамади.
Устоз санъаткор Шоҳида Исмоилова ҳам негадир фестивалга ёлғиз ташриф буюрди. Турмуш ўртоғи Маҳмуд Исмоилов кўринмади.
Турк киноижодкорлари ҳам ёрқин лаҳзаларни тарихга муҳрлади.
Маҳоратли актёр Фарҳод Маҳмудов ёш актёрлар қуршовида суратга тушди.
Тантанали қизил йўлакдан ўтиш маросими якунлангач, киноижодкорлар ва мухлислар катта киносаройида йиғилди. Тадбир аввалида Ўзбекистон президенти Шавкат Мирзиёевнинг халқаро кинофестиваль иштирокчиларига табриги ўқиб эшиттирилди.
Тўлиқ репортажни қуйида томоша қилишингиз мумкин.
Мухбирлар: Насиба Абдуҳамидова,
Наргизахон Муродова
Оператор: Илҳом Хурсаналиев
Мавзуга доир:
Изоҳ (0)