АҚШ Молия вазирлиги Чеченистон раҳбари Рамзан Қодиров, унинг вояга етган қизлари, шунингдек, рафиқаси ва норасмий хотинлари ҳисобланган яна икки аёлни Россиянинг Украинага бостириб кириши сабабли санкциялар рўйхатига киритди, дея хабар қилади Meduza.
«Қодировга алоқадор чечен бўлинмалари рус қўшинлари бостириб кириб, уйларни вайрон қилган Буча шаҳридаги ҳаракатда қатнашган. Қодиров аралаш яккакураш клублари орқали Россия ҳарбий амалиётларида қатнашиши учун одамларни жалб қилмоқда, бу унга ва унинг бўлинмаларига Украинадаги фаолиятини давом эттириш имконини беради», — дейилади АҚШ Молия вазирлиги матбуот баёнотида.
Санкциялар рўйхатида Россия молия тизими вакиллари ҳам бор: «Мир» тўлов тизими раҳбари Владимир Комлев, Миллий ҳисоб-китоб депозитарийси раҳбари Виктор Жидков ва Омонатларни суғурталаш агентлиги бош директори Андрей Мелников.
Шунингдек, Россия президентининг ёрдамчиси Максим Орешкин, Россия Федерациясининг болалар ҳуқуқлари бўйича комиссари Мария Львова-Белова, Запорожье вилояти бандлик маъмурияти вакиллари Владимир Рогов ва Украинада уруш ҳаракатларини олиб бораётган Алексей Милчаков ҳамда Ян Петровский қўлостидаги , радикал ўнгчи «Русич» гуруҳи сафида бўлиб турган Евгений Балицкий ҳам санкциялар остида.
Бундан ташқари, Қўшма Штатлар Россия Федерациясига «квант ҳисоблашлари» учун ускуналар ва технологияларни тақдим этишга тақиқ қўйди ва ушбу соҳадаги ўзгаришлар билан боғлиқ Россия тузилмаларини санкциялар рўйхатига киритди.
2017 йилда Рамзан Қодиров «Магницкий қонуни» бўйича санкциялар рўйхатига киритилган эди. Бундан ташқари, 2020 йилда Чеченистонда инсон ҳуқуқлари бузилгани учун унга, рафиқаси Медни ҳамда тўнғич қизлари Ойша ва Ҳадичага нисбатан санкциялар қўлланилган.
Изоҳ (0)