Бугун,

  • USD 10940.05
  • RUB 182.26
  • EUR 11121.65

Қозоғистонга ишлаш учун бориб, ҳужжатлари ва ойлик маошлари берилмаган Ўзбекистон фуқароларига ёрдам берилди. Бу ҳақда Ташқи меҳнат миграцияси агентлиги хабар қилди.

Фото: Ташқи меҳнат миграцияси агентлиги

Фото: Ташқи меҳнат миграцияси агентлиги

Қайд этилишича, қорақалпоғистонлик фуқаролар Н.М. ва Ф.Н. жорий йил апрель ойида Қозоғистонга ишлаш учун борган. Уларнинг паспортлари иш берувчи томонидан олиб қўйилиб, иш ҳақи ҳисоб-китоб қилинмаган.

Мазкур мурожаат Ташқи меҳнат миграцияси агентлигининг Чимкент шаҳридаги вакили томонидан ўрганилган. Натижада фуқаролар ноқонуний меҳнат фаолияти билан шуғуллангани, иш берувчи билан меҳнат шартномаси тузмагани сабабли муаммо юзага келгани аниқланган.

«Фуқароларнинг ҳақ-ҳуқуқларини тиклаш мақсадида Туркистон вилояти полиция департаменти миграция хизматига хабар берилди ва юртдошларимизнинг паспорти, иш ҳақи олиб берилди ва ватанга қайтишда кўмаклашилди», — дейилади хабарда.

Изоҳ
Асосий янгиликлар