Финляндия йилнинг биринчи ярмида табиий газ истеъмолини икки баравар камайтирди. Бу ҳақда мамлакатнинг Helsingin sanomat нашри хабар бермоқда.
Январдан августгача Финляндия тахминан 8,8 тераватт-соат табиий газ истеъмол қилган. Бу 2021 йилнинг шу даврига нисбатан (17,8 тераватт-соат) деярли икки баравар кам.
Истеъмолнинг қарийб 50 фоизга қисқариши Европа Иттифоқи (ЕИ) мамлакатлари учун рекорддир, — дея қайд этилади хабарда.
Бругел таҳлил марказига кўра, Европа Иттифоқининг бошқа ҳеч бир давлати газ истеъмолини бунчалик сезиларли даражада камайтиришга муваффақ бўлмаган.
Йилнинг биринчи ярмида Европа Иттифоқида газ истеъмоли ўтган йилга нисбатан атиги 6 фоизга қисқарди, баъзи мамлакатларда эса ҳатто бироз ўсиш кузатилди.
Июль ойида Европа Иттифоқи келгуси қиш мавсумида газга бўлган талабни 15 фоизга қисқартириш режаси бўйича келишиб олди. Август ойида Европа Комиссияси (ЙК) электр энергияси нархини пасайтириш бўйича фавқулодда чоралар кўришини маълум қилди.
Европа давлатлари расмийлари электр энергияси нархи ошиши сабабли аҳоли ва компанияларга ёрдам бериш учун 114 миллиард евро ажратди.
Шунингдек, ЙК газда ишламайдиган электр станциялари, жумладан, қуёш, геотермал, атом ва баъзи гидроэлектр станциялари учун чекланган даромадларни жорий этиш режасини ишлаб чиқди.
Изоҳ (0)