Ўзбекистон ШҲТ мамлакатлари билан қандай савдо қилади?

2021 йилда Ўзбекистоннинг ШҲТ мамлакатлари билан товар айирбошлаш ҳажми қарийб 25 фоизга ўсди ва 21 млрд доллардан ошди. Бу умумий ташқи савдо ҳажмининг қарийб 50 фоизини ташкил этади, дея хабар бермоқда «Review.uz».

2022 йилнинг биринчи ярмида товар айирбошлаш ҳажми яна 30 фоизга ошиб, 12 млрд долларга етди, бунда умумий ҳажм 24,5 млрд долларни ташкил этди. 

ШҲТ мамлакатлари билан ташқи савдо Ўзбекистон ташқи иқтисодий фаолиятида муҳим ўрин тутади. Хусусан, Россия, Хитой ва Марказий Осиё мамлакатлари Ўзбекистоннинг асосий савдо-иқтисодий ҳамкорлари қаторига киради.

Сўнгги 5 йил ичида Ўзбекистоннинг ШҲТ мамлакатлари билан савдо айланмаси 1,7 баробар, экспорт 1,2 баробар, импорт 2 баробар ошди. 

Шу билан бирга, ШҲТ мамлакатлари билан товар айланмасининг мамлакатнинг умумий ташқи савдо айланмасидаги улуши ҳам 47,2 фоиздан 50,2 фоизгача ўсди.

2021 йилда ШҲТ мамлакатлари билан товар айланмаси 24 фоизга ўсди ва 21,2 миллиард долларни, экспорт 29 фоизга ўсиб, 7,2 миллиард долларни ва импорт 21 фоизга ўсиб, 13,9 миллиард долларни ташкил этди.

Ўтган йили Ўзбекистон умумий ташқи савдо айланмасининг 50,2 фоизи, экспортнинг 43,5 фоизи ва умумий импортнинг 54,5 фоизи ШҲТ мамлакатлари ҳиссасига тўғри келади.

2022 йил январь июль ойлари якунларига кўра, ўтган йилнинг шу даврига нисбатан Ўзбекистоннинг ШҲТ мамлакатлари билан айланмаси 25,3 фоизга ўсиб, 14 миллиард долларни ташкил этди, экспорт 24,4 фоизга ўсиб, 4,6 миллиард долларни, импорт 27,3 фоизга ўсиб, 9,4 миллиард долларни ташкил этди.