Навоий вилояти Зарафшон шаҳрида ишга киритишни ваъда қилган фуқароларга жиноий иш қўзғатилди. Бу ҳақда Ички ишлар вазирлиги хабар қилди.
Қайд этилишича, Зарафшон шаҳрида истиқомат қилаётган А.Д. таниши О.Г. билан тил бириктириб, А.С. ва унинг ўғлини шаҳардаги кон бошқармага ишга киритишини айтган. Улар эвазига олдиндан талаб қилинган 800 долларни шаҳардаги кафелардан бирида олаётган пайтда жиноят устида қўлга олинган.
Ҳолат юзасидан А.Д. ва О.Г.га нисбатан Жиноят кодексининг тегишли бандлари билан жиноий иш қўзғатилган.
Изоҳ (0)