Farg‘ona hokimi qarori bilan Obidjonov Bahromjon Anvarjonovich viloyat hokimligi muassisligida yangi tashkil etilgan “Yangi Farg‘ona” gazetasi tahririyati bosh muharriri etib tayinlandi. Bu haqda “Daryo” muxbiri xabar berdi.
Ma’lum bo‘lishicha, ushbu tayinlov 12-sentabr kuni bo‘lib o‘tgan viloyat hokimligi ijroiya apparati yig‘ilishida e’lon qilingan.
O‘zbekiston xalq shoiri Anvar Obidjonning o‘g‘li Bahromjon Obidjonov 1970-yil 4-oktabrda Oltiariq tumanida tug‘ilgan. 1993-yilda Toshkent davlat universitetini jurnalistika fakultetini tamomlagan.
2010—2015-yillarda Farg‘ona viloyati hokimligining “Farg‘ona haqiqati — Ferganskaya pravda” gazetalari bosh muharriri lavozimida ishlagan. 2015—2020-yillarda Oliy Majlis Qonunchilik palatasi deputati bo‘lgan. 2020-yildan buyon O‘zbekiston MTRK Farg‘ona viloyati teleradiokompaniyasi direktori bo‘lib ishlab kelayotgandi.
Ma’lumot uchun, “Yangi Farg‘ona” gazetasi Farg‘ona viloyati hokimining 2022-yil 25-avgustdagi qarori bilan tashkil etilgan.
Izoh (0)