А Серия. «Рома» бир киши кам бўлиб қолган рақиби устидан қийин ғалабага эришди
Футбол бўйича Италия А Сериясининг 6-турида «Рома» 12 сентябрь, душанба куни «Эмполи» билан баҳс олиб борди.
Учрашувнинг 17-дақиқасида Пауло Дибала ҳисобни очди. Биринчи бўлим сўнгида Филиппо Бандинелли мувозанатни тиклади. Жамоалар танаффусга 1:1 ҳисоби билан чиқиб кетди.
Иккинчи бўлимда Жозе Моуриньо шогирдлари ҳужумкор ҳаракатларини кўпайтирди. Ўйиннинг 71-дақиқасида Дибаланинг узатмасидан сўнг Тэмми Абраҳам «Рома»ни ҳисобда олдинга олиб чиқди. Учрашув сўнгида «Эмполи» футболчиси Акпа-Акпро қизил карточка олди. Шу тариқа меҳмонлар 2:1 ҳисобида зафар қучди.
Ғалабадан сўнг римликлар очколари сонини 13 тага етказиб, 5-ўринни эгаллаган бўлса, «Эмполи» 4 очко билан 16-поғонани банд этиб турибди.
А Серия
6-тур баҳси
12 сентябрь, дукшанба
«Эмполи» – «Рома» 1:2
Голлар: 0:1 – 17 Дибала, 1:1 – 43 Бандинелли, 1:2 – 71 Абраҳам.«Эмполи»: Викарио, Стоянович, Луперто, Исмайли, Паризи (Какаче, 52), Марин (Камбяги, 82), Ҳаас (Акпа-Акпро, 63), Бандинелли, Пяса (Байрами, 63), Ламмерс (Грасси, 82), Сатриано.
«Рома»: Руй Патрисиу, Челик, Смоллинг, Манчини, Рожер, Спинаццола (Вина, 90+7), Матич, Кристанте, Пеллегрини (Камара, 90+6), Дибала (Бове, 81), Абраҳам (Белотти, 81).
Огоҳлантиришлар: Паризи (27), Исмайли (60), Акпа-Акпро (65), Челик (89).
Четлатиш: Акпа-Акпро (87).
