Худди мактабдагидек: кефир, минерал сув ва хамиртуруш қўшиб тайёрланадиган булочкалар рецепти

Қўнғироқ овози. Катта танаффус. Мактаб ошхонасидаги оқ қалпоқли, ваниль иси келиб турадиган тўлачадан келган аёл сотадиган булочкалар ҳамманинг ёдида қолган бўлса керак. «Новий очаг» нашри ўша ширин дамларни ёдга олиб, ўқувчилик даврида севиб истеъмол қилинган булочкалар рецепти билан бўлишди.

Кефир қўшиб тайёрланадиган булочка

Керакли маҳсулотлар:

• кефир — 250 мл;
• тухум — 1 дона;
• ун — 400 грамм;
• ўсимлик ёғи — 50 мл;
• сариёғ — 50 грамм;
• шакар — 1 ош қошиқ;
• туз — 1 чимдим;
• истеъмол содаси — 1 чой қошиқ;
• ваниль — 1 чимдим;
• сирка.

1. Идишда кефир озгина қиздириб олинади, тухум, туз, шакар, ўсимлик ёғи, сирка билан ўлдирилган истеъмол содаси қўшилади.
2. Кўпиргунча яхшилаб аралаштирилади.
3. Ун элакдан ўтказилиб, хамир қорилади.
4. Сариёғ эритиб қўшилади ва хамир янада юмшайди. Сўнгра хамир тиниши учун 30-40 дақиқага қолдирилади.
5. Таъбга кўра турли шаклда, майиз, мак кабиларни қўшиб, булочкаларни пишириб олиш мумкин. Муҳими — уларни пиширишдан олдин ўсимлик ёғини суртишни унутмаслик.

Керакли маҳсулотлар:

• сут — 250 мл;
• тухум — 1 дона;
• ўсимлик ёғи — 50 мл;
• сариёғ — 50 грамм;
• хамиртуруш — 10 грамм;
• ун — 500 грамм;
• туз, ваниль — 1 чимдим;
• шакар — 2 ош қошиқ.

1. Илиқ сутга оз-оздан хамиртуруш, тухум, шакар, туз, ванилин, ўсимлик ёғи ва элакдан ўтказилган ун қўшиб, хамир қорилади.
2. Хамирга эритилган сариёғнинг ярми қўшилади.
3. Хамир қўл билан яхшилаб қорилади, лекин ўта қаттиқ эмас, бироз ёпишқоқ бўлиши керак.
4. Хамир икки марта кўпчиб чиқиши учун 40 дақиқага иссиқ жойга қўйилади.
5. Тайёр бўлгач, хамир яна қорилиб, 20 дақиқага қўйилади.
6. Сўнгра хамирни думалоқлаб, пишириш варағида 10-15 дақиқага қолдирилади. 20-25 дақиқа давомида 200 даража печда пиширилади.

Керакли маҳсулотлар:

• минерал сув — 300 мл;
• ун — 600 грамм;
• ўсимлик ёғи — 50 мл;
• тухум — 1 дона;
• шакар — 2 ош қошиқ;
• хамиртуруш — 5 грамм.

1. Сув, хамиртуруш, шакар, туз аралаштирилади. 2-4 дақиқага қолдирилади.
2. Эланган ун, тухум, ёғ қўшилади. Ҳамма маҳсулот яхшилаб аралаштирилади. Хамир ёпишқоқ бўлмаслиги керак.
3. Сочиқ ёпилиб, илиқ жойда 40 дақиқага қолдирилади. Хамир жуда яхши кўтарилади.
4. Тайёр бўлган хамир думалоқланиб, ўсимлик ёғи суртилади. Юзасига таъбга кўра кунжут сепиш мумкин.
5. Ён томонига тухум сариғи суртилади.
6. 200 даража ҳароратда 20-25 дақиқа давомида пиширилади.