Қовоқчали оладелардан чарчадингизми? Унда оддий сабзавотлардан пишлоқли пирог тайёрланг. Ушбу мазали пирогга ўзингизга ёққан кўкатларни ҳам қўшишингиз мумкин.
Керакли масаллиқлар:
- қовоқча — 300 г
- туз — таъбга кўра
- пишлоқ — 50 г
- тухум — 3 дона
- сут — 150 мл
- ун — 180 г
- пишириқ кукуни — ярим чой қошиқ
- ўсимлик ёғи — 1 ош қошиқ
- Қовоқчани майдалагичда майдаланг, унга туз қўшиб аралаштиринг ва 5-10 дақиқага қолдиринг.
- Пишлоқни қирғичдан ўтказинг. Қовоқчага тухум, сут ва туз қўшиб аралаштиринг.
- Устига ун, пишириқ кукуни ва пишлоқ қўшинг, хамирни силлиқ бўлгунча аралаштириб олинг.
- Диаметри 26-28 см бўлган масаллиқ қовуриладиган идишни қиздиринг ва уни ўсимлик ёғи билан ёғланг. Унга хамирни солинг.
- Тованинг қопқоғини ёпинг ва масаллиқни 12-15 дақиқа давомида паст оловда пиширинг.
- Катта текис тарелкани ёғланг ва унга пирогни эҳтиёткорлик билан солиб ўгириб олинг.
- Қовоқчали пирогни товага қайтариб солинг. Яна 5-7 дақиқа қопқоқ остида пиширинг.
Мавзуга доир:
Изоҳ (0)