Бақлажон жуда фойдали маҳсулот бўлиб, ундан мазали таомлар-у хилма-хил салатлар тайёрлаш мумкин. Marie Claire нашри бақлажон қўшиб тайёрланадиган энг сара егуликлар рецепти билан бўлишди.
Бақлажонли лазаня
Керакли маҳсулотлар:
- бақлажон — 800 грамм;
- қийма — 500 грамм;
- томат пастаси — 500 грамм;
- моцарелла — 100 грамм;
- пармезан — 100 грамм;
- қуритилган нон — 100 грамм;
- тухум — 2 дона;
- зайтун мойи — 3 ош қошиқ.
- Бақлажон тозаланиб, қалинлиги тахминан бир ярим сантиметр бўлакларга бўлинади. Бир пиёла ичида тухум ва икки ош қошиқ сув аралаштирилади.
- Алоҳида идишда майдаланган пармезан, нон бўлаклари, туз ва қалампир аралаштирилади. Ҳар бир бақлажон бўлаги аввал тухумга, кейин қуритилган нон ва пишлоқ аралашмасига ботирилиб, сўнгра зайтун мойи билан ёғланган пишириш варағига териб чиқилади.
- Печни биринчи навбатда 180 даражага олдиндан қиздириш керак, керакли ҳароратга эришилганда, бақлажонлар 20-25 дақиқа давомида қизаргунча пиширилади.
- Бақлажонлар пишаётганда қийма зайтун мойида қовурилади. Тахминан 10 дақиқадан сўнг қиймага томат пастаси қўшилади, кейин ҳосил бўлган аралашма қайнатиб олинади.
- Бақлажонларнинг бир қисми қолипга солинади, сўнг устидан томат-гўштли соус қуйилади, моцарелланинг ярмини сепилади ва қолган бақлажонлар яна териб чиқилади. Қолган моцарелла яна сепилади ва 200 даражага қадар қиздирилган печда 10-15 дақиқа давомида пиширилади.
Керакли маҳсулотлар:
- бақлажон — 800 грамм;
- қаттиқ пишлоқ — 100 грамм;
- жавдар нони — икки дона;
- қуритилган нон — 50 грамм;
- тухум — 2 дона;
- саримсоқ — 3 бўлак;
- ўсимлик ёғи — 2 ош қошиқ.
- Бақлажон майда тўғраб олинади ва ўсимлик ёғида қовурилади.
- Бақлажонлар совигунча пишлоқ майда қирғичдан ўтказилади, сўнгра саримсоқ майдаланади. Нон сутга ботириб олинади.
- Совитилган бақлажонлар бир ҳил масса бўлгунча блендерда аралаштирилади, сўнгра нон, майдаланган пишлоқ ва саримсоқ, тухум, қалампир ва туз қўшиб, ҳамма нарса яхшилаб аралаштирилади. Агар масса жуда суюқ бўлса, унга бироз нон бўлаклари қўшилади.
- Котлетлар ясалиб, қуритилган нонга ботирилади, оддий котлетлар каби товада қовурилади.
Керакли маҳсулотлар:
- бақлажон — 300 грамм;
- ун — 10 грамм;
- картошка — 240 грамм;
- помидор — 150 грамм;
- сметана — 40 грамм;
- туз ва кўкатлар.
- Картошка, помидор ва бақлажон тўртбурчак шаклда тўғралади.
- Бақлажонлар тузланади, унга ботирилади ва картошка билан қовурилади.
- Кейин бироз сув қуйилиб, қайнатилади.
- Кейин помидор, сметана қўшилади ва яна 10-15 дақиқа қайнатиб олинади.
- Кўкатлар билан дастурхонга тортилади.
- бақлажон — 200 грамм;
- қовоқча — 200 гр;
- булғори қалампири — 300 грамм;
- пиёз — 50 грамм;
- саримсоқ — 2-3 дона;
- помидор — 150 грамм;
- кўкатлар — 20 грамм;
- зайтун мойи — 50 грамм;
- туз ва зираворлар.
Тайёрланиш жараёни:
- Тўғралган пиёз ва саримсоқ зайтун мойида қовурилади, сўнгра булғори қалампири, бақлажон, қовоқча қўшилади. Туз ва зираворлар қўшилади.
- Тайёр аралашма вақти-вақти билан аралаштирилиб, тахминан 10-15 дақиқа қайнатиб олинади.
- Бироз вақт ўтгач, тўғралган помидор ва райҳон қўшилади ва аралаштирилади, тахминан ўн дақиқа қайнатиб олинади.
- товуқ филеси — 1 дона;
- бақлажон — 2-3 дона;
- помидорлар — 2-3 дона;
- пишлоқ — 150-200 грамм.
- саримсоқ — 1 дона;
- сметана ёки майонез, петрушка, ўсимлик ёғи, туз.
Тайёрланиш жараёни:
- Бақлажонни узунлиги бўйича ингичка кесиб олинади, улар тузли сувга солинади ва 20-30 дақиқага қолдирилади.
- Филенинг ҳар бир ярми 2-3 қисмга кесиб олинади. Филега туз ва зираворлар сепилиб, бироз урилади.
- Помидорлар ҳалқа шаклида кесиб олинади.
- Саримсоқ ва пишлоқ айдаланади.
- Товада ўсимлик ёғи қиздирилиб, бақлажоннинг ҳар томони 2-3 дақиқа қовурилади, кейин ортиқча ёғдан қутулиш учун қоғоз салфеткага қўйилади.
- Қолип ёғланади ва бақлажон қўйилади. Устидан филе ва яна бақлажон қўйилади.
- Сўнгра помидорларга туз, мурч сепиб, тўғралган саримсоқ ва кўкатлар сепилади. Устидан сметана ёки майонез, пишлоқ сепилади.
- Олдиндан қиздирилган 180 даража печга қўйилади ва 20-25 дақиқа давомида пиширилади.
Изоҳ (0)