Бугун,

  • USD 11095.31
  • RUB 173.84
  • EUR 10772.44

Тошкент халқаро аэропортида тимсоҳ болалари ноқонуний олиб ўтилишига чек қўйилгани ва 57 бош тимсоҳ боласи ҳайвонот боғига топширилгани хабар қилинганди. Тошкент ҳайвонот боғи уларнинг аҳволи бўйича маълумот берди.

Фото: Тошкент ҳайвонот боғи

Фото: Тошкент ҳайвонот боғи

Фуқаролар уларни ноқонуний тарзда Ўзбекистонга олиб киришга уринган вақтда аэропорт божхона хизмати томонидан олиб қўйилганди. 31 август куни Тошкент ҳайвонот боғига 57 та Нил тимсоҳи олиб келинган. Жониворлар мева ва сабзавотлар орасида фольга қоғозга ўралган пластик идишларда ташилган. Янги туғилган жониворларни ушбу йўл билан ташиш уларнинг соғлиғига жиддий зарар етказган.

Фото: Тошкент ҳайвонот боғи

Фото: Тошкент ҳайвонот боғи

Шунинг учун кичик тимсоҳлар қабул қилинган вақтда уларнинг баъзилари жуда заиф ҳолатда бўлган. Ҳозирда улар ходимлар томонидан ҳимояга олинган махсус жойларда сақланмоқда. Зарур иссиқлик, ёруғлик ҳамда озиқ-овқат билан таъминланган. Улар гўшт бўлаклари, балиқ, янги туғилган сичқонлар, майда балиқ ва ҳашаротлар билан боқилмоқда.

Фото: Тошкент ҳайвонот боғи

Фото: Тошкент ҳайвонот боғи

Тимсоҳлар ўсиш ва ривожланиш динамикасини кузатиш ва назорат қилиш мақсадида тарозида тортилиб, ўлчанди. Нил тимсоҳлари Ер юзидаги энг катта судралиб юрувчилардан бири бўлиб, улар улкан ҳажмга эга (5–6 метр ва ундан юқори). Улар барча ҳайвонот боғларида ҳам сақланмаслиги мумкин, чунки ушбу тимсоҳлар ҳаёти учун кенг сув омбори ва малакали парвариш зарур.

Фото: Тошкент ҳайвонот боғи

Фото: Тошкент ҳайвонот боғи

Маълумот учун, 30 август куни Ислом Каримов номидаги Тошкент халқаро аэропортида Қоҳира–Тошкент 401-сонли рейс билан учиб келган фуқаро М.С. ташқи кўриниши Нил тимсоҳи Crocodylus niloticus’га ўхшаш тимсоҳ болаларини тегишли рухсатномаларсиз мамлакат ҳудудига олиб киришга урингани аниқланган. Уларнинг сони 57 та экани маълум бўлган.

Изоҳ
Асосий янгиликлар
Маҳаллий
Самарқандда 2 киши овқатдан заҳарланиб вафот этди
Маҳаллий
Тошкентда автобуснинг юрган масофасига қараб тўлов қилиш тизими йўлга қўйилади
Маҳаллий
Аҳолининг валюта айирбошлашга йўналтирган пул маблағлари ҳажми 68 фоизга ўсди — Марказий банк