Наманганда вилоят божхона бошқармаси ва ДХХ ходимлари кучли таъсир қилувчи дори воситаларининг ноқонуний айланмасига қарши тезкор тадбирлар ўтказди. Бу ҳақда «Дарё» мухбири Азизбек Абдувалиев хабар бермоқда.
Наманган шаҳридаги «Саноат» маҳалласи ҳудудида ўтказилган тезкор тадбир давомида Nexia русумли автомобили кўздан кечирилди. Кўздан кечириш давомида ушбу машинада йўловчи сифатида ҳаракатланаётган фуқарога тегишли картон қутида хорижда ишлаб чиқарилган, муқаддам айланма йўллар орқали Қирғизистондан Ўзбекистонга ўтказилган 500 дона флаконда «Тропикамид» ҳамда 4171 дона «Регапен» номли кучли таъсир қилувчи дорилари борлиги аниқланди.
Уларнинг умумий суммаси 185 миллион сўмга баҳоланди.
Шунингдек, Чуст тумани «Садача» маҳалласи ҳудудида ўтказилган навбатдаги тезкор тадбирда Nexia русумли автомобиль холислар иштирокида кўздан кечирилганида автомашина орқа ўриндиғидаги сув иситгич ичига яширинган, муқаддам айланма йўллар орқали Қирғизистондан ноқонуний равишда олиб кирилган ва ҳеч қандай ҳужжатлари бўлмаган 175 миллион сўмлик 486 дона «Тропикамид» ва 4144 дона «Регапен» дори воситалари қайта сотиш мақсадида олиб кетилаётганлиги аниқланди.
Ҳозирда мазкур ҳолатлар юзасидан суриштирув ишлари олиб борилмоқда.
Маълумот учун, Наманганда жорий йил 7 ойи давомида божхона ходимлари томонидан ўтказилган тадбирлар давомида қиймати 570 миллион сўмлик 32086 дона кучли таъсир қилувчи дори воситаларининг ноқонуний айланмасига чек қўйилди.
Мавзуга доир:
Хоразмда рейд: қатор дорихоналардан ҳужжати бўлмаган психотроп дорилар топилди
Тошкентда кучли таъсир қилувчи дори воситаларининг муомалага киритилишининг олди олинди
Изоҳ (0)