Журналистика ва оммавий коммуникациялар университети ректори Шерзодхон Қудратхўжа талабаларни ётоқ-жой билан таъминлаш масаласида пойтахт аҳолисига мурожаат билан чиқди.
«Азиз ватандондошлар, азиз Тошкент аҳли! Йил сайин ОТМ кўпаймоқда, квоталар ошмоқда, талабалар турар жойлари қурилиши, табийики, бунга улгурмаяпти.
Илгари 77 та ОТМ бўлган бўлса, сўнгги 6 йилда 177 та бўлди, талабалар 231 000 дан қарийиб 800 000 нафарга ошди.
Талабаларимизга уй-жой етишмаяпти, бор талабалар турар жойи деярли тўлди.
Мабодо сизда, қариндошингиз, танишингиз ҳовлисида, хонадонида жой бўлса, ижарага беринг, савоб бўлади илми толибга берсангиз.
Солиқ тўламайсиз, уйингизга барака киради! Миллат жипслашади, қадриятлар тикланади!
Миллат аҳил бўлса, боласи кўчада қолмайди! Йигитлар боболарга, қизлар бувижонларга дастёр бўлади.
Тилни билганлар болаларизга муаллим бўлади. Биз Юнусобод тумани, Марказ 5 жойлашганмиз.
Ректорга ва Университетга жиддий ёрдам берган бўласиз, олдиндан раҳмат» – деб ёзган Шерзодхон Қудратхўжа.
Изоҳ (0)