Тошкент вилоятида фарзандларини Лабо юкхонасида олиб юрган эркакка чора кўрилди (видео)

Тошкент вилоятида эркак 6 сентябрь куни фарзандларини Лабо юкхонасига ўтқазиб, мактабга олиб бориб қўйди. Шундан сўнг ҳайдовчига нисбатан тегишли чора кўрилди.

Ушбу ҳолат акс этган видео ижтимоий тармоқларда тарқалгач, вилоят йўл ҳаракати хавфсизлиги бошқармаси ходимлари томонидан қидирув ишлари олиб борилган ва эркак шахси аниқланган. У билан олиб борилган суҳбатда маълум бўлишича, мактаб масофаси узоқ экани ва у томонга транспорт қатнамаслиги сабабли эркак фарзандларини мактабга ташлаб қўйиш учун кетаётган бўлган. Машинадаги йўловчи учун мўлжалланган ўринда ўз отаси кетаётгани сабабли 2 фарзандини юкхонада олиб кетишга қарор қилганини билдирган.

Эркак билан профилактик суҳбат олиб борилгач, ҳолат юзасидан маъмурий баённома расмияштирилган.