Тошкентда Миллий гвардияга бириктирилган автобус авария ҳолатини юзага келтириб ҳаракатланди (видео)

Тошкентда Миллий гвардияга бириктирилган Isuzu автобуси йўлда хавфли ҳолат юзага келтириб ҳаракатлангани акс этган видео ижтимоий тармоқларда тарқалди. Йўл ҳаракати хавфсизлиги хизмати ҳолат юзасидан маълумот берди.

Қайд этилишича, ушбу автобус ҳайдовчисига нисбатан Маъмурий жавобгарлик тўғрисидаги кодекснинг 128-5-модданинг 2-қисми (транспорт воситалари ҳайдовчиларининг авария ҳолати юзага келишига сабаб бўлган, яъни йўл ҳаракатининг бошқа қатнашчиларини тезликни, ҳаракат йўналишини кескин ўзгартиришга ёки ўз хавфсизлигини ёхуд бошқа фуқароларнинг хавфсизлигини таъминлаш учун ўзга чораларни кўришга мажбур қилувчи ҳуқуқбузарликни содир этиши) билан баённома расмийлаштирилган.

Ушбу ҳуқуқбузарлик БҲМнинг 10 баравари (3 миллион сўм) миқдорида жарима солишга сабаб бўлади.