Ҳар йили кўплаб янги фильмларнинг намойиш этилиши кутилади. Ушбу фильмлардаги ролларни муваффақиятга эришганига кўп бўлмаган ва дунё бўйлаб машҳурликка эришган актёр, актрисалар ҳам ижро этиши мумкин. Баъзида машҳур актёр ва актрисалар кинофильмлардаги роллари учун кескин ўзгаради. AdMe нашри шу каби машҳурлар ҳақида маълумот берди.
Ҳеллен Миррен суперқаҳрамон ролини ижро этмоқда
«Оскар» мукофоти совриндори актриса Ҳеллен Миррен Shazam фильмининг навбатдаги қисмида бош ролни, яъни суперқаҳрамон Геспера ролини ижро этади. «Мен гавдалантираётган қаҳрамон ўзини ҳақ деб ҳисоблайди. Албатта, барча ёмон одамлар ўзлари ҳақида шундай деб ўйлашади. У ўзининг ҳақ эканига жуда ишонади. Аммо мен барча карталарни кўрсатишни хоҳламайман», — дейди Ҳеллен. Унинг иштирокидаги янги фильм 2022 йилнинг декабрь ойида катта экранларга чиқади.
Брендан Фрэйзер вазни 272 килограмга тенг ота ролида
Актёр «Кит» фильмида 17 ёшли қизи билан муносабатларини тиклашга уринаётган 272 кг оғирликдаги ота образини гавдалантирди. У фильмда оиласини ташлаб кетади ва кейинроқ ўз айбини ювишга ҳаракат қилмоқчи бўлади.
Брендан 2004 йилдан кейин катта экранларда кўриниш бермади, фақат кичик лойиҳаларда иштирок этди. У онасининг ўлими, жисмоний ва руҳий муаммолардан кейин экранларга қайтди. Шу сабабли, Брендан кино оламига қайтишини маълум қилганида, мухлислар бу хабардан хурсанд бўлган. Унинг иштирокидаги фильм 2022 йилнинг сентябрь ойида томошабинларга тақдим этилади.
Кейт Бланшетт Borderlands компьютер ўйинидаги Лилит образида экранларга чиқади
Голливуд актрисаси Жейми Ли Кертис ижтимоий тармоққа 53 ёшли ҳамкасби Кейт Бланшеттнинг янги фильм бош қаҳрамони, яъни Лилит сифатида тасвирланган суратини жойлади. Ушбу фильм 2022 йилда катта экранларга чиқади.
Крис Претт машҳур мультфильм қаҳрамони Мариога овоз беради
«Марио» мультфильмнинг биринчи қисми муваффақиятсизликка учрагач, мухлислар янги қисми ҳақидаги хабарларга шубҳа билан қаради. Бош қаҳрамонга актёр Крис Претт овоз берган. Криснинг овоз берувчи актёр сифатида ишлаши ижтимоий тармоқларда кўплаб муҳокамаларга сабаб бўлди. Бироқ, лойиҳа муаллифи Преттни ҳимоя қилиб, унинг овоз тембрини феноменал деб атади. Ушбу мультфильмнинг қачон намойиш этилиши 2023 йилнинг 7 апрелида маълум бўлади.
Гал Гадот Клеопатра образида экранларга чиқади
Актрисанинг тан олишича, у Клеопатра ҳақидаги барча фильмларни томоша қилган ва ушбу образни гавдалантиришдан хурсандлигини айтган. ни ўйнашидан шунчаки хурсанд. Гал фильмни суратга олаётган ижодкорлар Клеопатранинг гўзаллиги ва жозибадорлигига эмас, унинг стратегик фикрлаш қобилиятига эътибор қаратмоқчи эканлигини таъкидлаган. Кинокартинанинг экранларга чиқиш санаси маълум қилинмаган.
Аня-Тэйлор Жой Фуриоса образини гавдалантиради
«Ақлсиз Макс: Фуриоса» «Ақлсиз Макс: Ғазабли йўл» фильмининг янги қисми ҳисобланади. Ижодкорлар фильм Фуриоса образи ҳақида ҳикоя қилинишини маълум қилган. Кинокартина тафсилотлари сир сақланмоқда, аммо у ҳақда турли хил миш-мишлар ҳам мавжуд. Масалан, сценарийда Мад Макс оламидаги комикслар сюжетларидан, хусусан, Фуриоса ва унинг онасининг ўғирланиши ҳақидаги ҳикоядан фойдаланиши мумкинлиги тахмин қилинмоқда. «Қироличанинг ҳаракати» сериалининг 26 ёшли юлдузи Аня-Тэйлор Жой фильмда бош ролни ижро этади. Фильм премьераси 2024 йил 24 май санасида бўлиб ўтади.
Дуэйн Жонсон «DC» фильмидаги Қора Адам ролини ижро этди
Одатий роллардан фарқли равишда Дуэйн Жонсон янги кинокартинасида умуман бошқача образда гавдаланади. Актёр 2014 йилнинг сентябрь ойида ёвуз одам Қора Адам ролини ўйнаши керак эди. Аммо продюсерлар унга 2022 йилнинг кузида катта экранларга чиқадиган фильмдан рол беришга қарор қилди. Кинокартина 2022 йилнинг 21 октябрь санасида катта экранларга чиқади.
Билл Скарсгард «Қарға» фильмининг янги талқинида бош ролни ижро этади
«У» фильмидаги Пеннивайз роли билан машҳур бўлган актёр «Қарга» фильмининг янги талқинида бош қаҳрамон ролини ўйнайди. Аслида бу образни, яъни Эрик Дрейвенни актёр Брендон Ли гавдалантириши керак эди, бироқ у фильмнинг суратга олиш жараёнлари бошланган пайтда вафот этган.
Кинокартинани қайта суратга олаётган режиссёрлар фильм янада реалроқ бўлишини ва олдинги талқинини қайта ишлаб чиқишга ваъда бермоқда. «Қарға» фильмининг катта экранларда қачон намойиш этилиши маълум қилинмаган.
Мелисса Маккарти «Сув париси» мультфильмидаги ёвуз қаҳрамон Урсула ролини ижро этиб, томошабинларни хурсанд қилади
Томошабинлар «Сув париси» ҳақидаги фильмнинг чиқишини интиқлик билан кутмоқда. Мелисса Маккарти ушбу фильмда ёвуз қаҳрамон Урсула ролини ижро этган. Актриса катта сунъий қобиқ ичида ўтиргани ҳақида ҳам гапирган. Фильм премьераси 2023 йилнинг 26 май санасида бўлиб ўтади.
Кейт Уинслет «Аватар» фильмининг иккинчи қисмида суратга тушмоқда
Кейт Уинслет «Аватар 2» фильмида асосий қаҳрамонларидан бирини ўйнайди. «У кучли, ҳақиқий жангчи. Ҳатто ҳомиладор бўлса ҳам жиддий хавф қаршисида у таслим бўлмайди», — дейди актриса ўз образи ҳақида. Фильмнинг намойиш этилиш санаси кўп марта ўзгарган, ҳозирда фильм премьераси 2022 йилнинг 16 декабрида бўлиб ўтади деган хабарлар мавжуд.
Мавзуга доир:
- 40 ёшдан кейин фарзанд кўрган ҳамда она бўлиш учун ҳеч қачон кеч эмаслигини исботлаган машҳур аёллар (фото)
- Шахсий тажрибаси билан 40 ёшдан кейин карьераси энди бошланишини исботлаган машҳур аёллар (фото)
- Турмуш ўртоғиникига нисбатан даромади юқори бўлган машҳур аёллар (фото)
- Машҳур аёллар суратга тушиш вақтида мукаммал кўриниш учун фойдаланадиган лайфхаклар (фото)
Изоҳ (0)