40 yoshdan keyin farzand ko‘rgan hamda ona bo‘lish uchun hech qachon kech emasligini isbotlagan mashhur ayollar (foto)

Ayol organizmi ko‘plab ajoyibotlarga ega. Homiladorlik davrida nafaqat ichki, balki tashqi ko‘rinishda ham bir qancha o‘zgarishlar yuz beradi. Bundan tashqari, ayollar erkaklarga qaraganda ko‘proq moslashuvchan bo‘lib, turli jarohatlardan keyin tezda tiklanadi. Albatta, mashhur ayollar ham bundan mustasno emas. Ular suratga tushish ishlari ko‘p bo‘lishiga qaramay , 40 yoshdan keyin bo‘lsa ham ona bo‘lishga qaror qilgan. AdMe nashri ona bo‘lish uchun hech qachon kech emasligini isbotlagan mashhur ayollar ketma-ketligini taqdim etdi.

Gven Stefani — 44 yosh

2014-yilda Gven Stefani va uning o‘sha paytdagi turmush o‘rtog‘i britaniyalik musiqachi Gevin Rossdeyl bilan o‘g‘il ko‘rgan, unga Apollon deb ism qo‘ygan. Keyinchalik Stefani Apollon u uchun haqiqiy mo‘jiza ekanini ma’lum qilgan, chunki u ona bo‘lganida 44 yoshda edi.

Julianna Mur — 41 yosh

Julianna Murning qizi 2002-yilda, uning 41 yoshida dunyoga kelgan. Ammo Liv uning birinchi farzandi emas, aktrisa 40 yoshga to‘lmasidan oldin birinchi farzandi — o‘g‘li Kaleb tug‘ilgan.

Kristi Brinkli — 44 yosh

Amerikalik model va aktrisaning 3 nafar farzandi bor, ular orasida Seylor Li ismli qizi Kristining 44 yoshida, 1998-yilda dunyoga kelgan.

Bruk Shilds — 40 yosh

Bruk Shilds va uning turmush o‘rtog‘i Kris Xenchi 2006-yilda, aktrisa 40 yoshga to‘lganida Griyer ismli qizning ota-onasiga aylandi.

Salma Xayek — 41 yosh

2007-yilda aktrisa fransuz biznesmeni Fransua-Anri Pino bilan unashtirildi. Salma 2007-yil 21-sentyabrda 41 yoshida Valentina Paloma Pino ismli qizini dunyoga keltirdi. Ikki yil o‘tgach, 2009-yilda Salma va Fransua Parijda turmush qurdi.

Reychel Zoui — 42 yosh

Mashhur dizayner o‘z intervyusida 39 yoshida birinchi o‘g‘li Skaylerni dunyoga keltirganini aytib o‘tgan. Ammo tug‘ilgandan keyin farzandiga nisbatan yanada mehri jo‘shib ketgan. 2013-yilda, 42 yoshida, Zoui ikkinchi farzandini kutayotganini e’lon qildi — o‘g‘liga Kayus deb ism qo‘ydi.

Selin Dion — 42 yosh

Selin Dionning birinchi o‘g‘li Rene-Sharl Anjelil 2001-yilda sun’iy urug‘lantirish natijasida dunyoga kelgan. Keyinchalik, 2009-yilda u egizaklarga homilador ekanini ma’lum qildi. 2010-yil 23-oktyabrda 42 yoshda bo‘lgan qo‘shiqchi Eddi va Nelson ismli egizaklarni dunyoga keltirdi.

Uma Turman — 42 yosh

Uma Turman ikki marta turmushga chiqqan, ikkinchi turmushidan 2 nafar farzandi bor. 2007-yilda u fransuz moliyachisi Arpad Busson bilan uchrashishni boshladi va 2008-yil iyun oyida ular turmush qurganini e’lon qildi. Biroq, keyinchalik ular ajrashdi. Ummaning uchinchi qizi 2012-yil iyul, onasi 42 yoshga to‘lganida tug‘ilgan.

 Alissa Milano — 41 yosh

Maftunkor yulduz Alissa Milano va uning turmush o‘rtog‘i Devid Bugliarining qizi Elizabella dunyoga kelganda ona 41 yoshda edi. Aktrisa farzand kutishni yoqimli va bunga arziydi, deb biladi.

 Xelli Berri — 47 yosh

Aktrisaning to‘ng‘ich qizi Nala u 41 yoshdaligida tug‘ilgan. Bir necha yil o‘tgach, u o‘g‘li Makeoni dunyoga keltirdi. O‘sha paytda Xelli 47 yoshda edi. U  50 yoshga yetmay homilador bo‘lish haqda xabar topganida hayratda qolgandi. Ammo uning o‘zi ham buning uddasidan chiqdi.