Тошкент вилояти Қуйи Чирчиқ тумани прокуратураси томонидан қишлоқ хўжалигига мўлжалланган суғориладиган экин ер майдони талон-торож қилингани билан боғлиқ ҳолат юзасидан терговга қадар текширув ҳаракатлари ўтказилди. Бу ҳақда Бош прокуратура хабар қилди.
Аниқланишича, О.С МЧЖ мансабдор шахслари туман ҳокимининг 2019 йилдаги қарори билан ажратилган қишлоқ хўжалиги харитасининг 32-контурида жойлашган 5 гектар суғориладиган экин ер майдонининг 0,4 гектар қисмининг муомаладан чиқарилиши сабаб бўлган. Улар майдонда бино-иншоот ва пойдевор қуриб, давлат ва жамият манфаатларига 430 миллион сўмлик жуда кўп миқдорда зарар етказган.
Мазкур ҳолат юзасидан туман прокуратураси томонидан Жиноят кодексининг 192-11-моддаси (нодавлат тижорат ташкилотида ёки бошқа нодавлат ташкилотида мансабдор шахслар томонидан ўз ваколатларини суиистеъмол қилиш) билан жиноят иши қўзғатилган. Ҳозирда тергов ҳаракатлари олиб борилмоқда.
Изоҳ (0)