Ўзбекистондан Россияга қишлоқ хўжалиги маҳсулотлари экспорти 50 фоиздан кўпроққа ўсди. Бу ҳақда Инвестициялар ва ташқи савдо вазирлиги хабар берди.
Қайд этилишича, 2022 йилнинг январь—июль ойларида Ўзбекистондан Россияга қишлоқ хўжалиги маҳсулотлари экспорти 2021 йилнинг шу даврига нисбатан 52 фоизга ўсиб, 222,5 миллион долларни ташкил этди.
Ўзбекистон инвестициялар ва ташқи савдо вазири Жамшид Хўжаев бошчилигидаги ҳукумати делегациясининг 1—2 сентябрь кунлари Россияга ташрифи доирасида Россия ҳукумати аъзолари билан ушбу йўналишда ўзаро алоқаларни ривожлантириш бўйича келишувларга эришилди.
Учрашувда юқори қўшилган қийматга эга маҳсулотларни ўзаро етказиб беришни кўпайтириш, Ўрта Осиёда транспорт-логистика коммуникацияларини ривожлантириш, ҳудудлараро ҳамкорликни кенгайтириш ва Ўзбекистон-Россия ҳамкорлигининг кун тартибидаги бошқа долзарб масалалар муҳокама қилинган.
Мавзуга доир:
Изоҳ (0)