O‘zbekistondan Rossiyaga qishloq xo‘jaligi mahsulotlari eksporti 50 foizdan ko‘proqqa o‘sdi. Bu haqda Investitsiyalar va tashqi savdo vazirligi xabar berdi.
Qayd etilishicha, 2022-yilning yanvar—iyul oylarida O‘zbekistondan Rossiyaga qishloq xo‘jaligi mahsulotlari eksporti 2021-yilning shu davriga nisbatan 52 foizga o‘sib, 222,5 million dollarni tashkil etdi.
O‘zbekiston investitsiyalar va tashqi savdo vaziri Jamshid Xo‘jayev boshchiligidagi hukumati delegatsiyasining 1—2 sentabr kunlari Rossiyaga tashrifi doirasida Rossiya hukumati a’zolari bilan ushbu yo‘nalishda o‘zaro aloqalarni rivojlantirish bo‘yicha kelishuvlarga erishildi.
Uchrashuvda yuqori qo‘shilgan qiymatga ega mahsulotlarni o‘zaro yetkazib berishni ko‘paytirish, O‘rta Osiyoda transport-logistika kommunikatsiyalarini rivojlantirish, hududlararo hamkorlikni kengaytirish va O‘zbekiston-Rossiya hamkorligining kun tartibidagi boshqa dolzarb masalalar muhokama qilingan.
Mavzuga doir:
Izoh (0)