Футбол бўйича Италия А Сериясининг 5-турида «Милан» 3 сентябрь, шанба куни «Интер» билан баҳс олиб борди.
Учрашувнинг 21-дақиқада Марсело Брозович ҳисобни очди. 28-дақиқада Рафаэл Леау ҳисобни тенглаштирди. Биринчи бўлимни жамоалар дуранг натижа билан якунлади.
Иккинчи бўлимда мезбонлар хавфли вазиятларни ярата бошлади. 54-дақиқада Оливье Жиру «Милан»ни олдинга олиб чиди. 60-дақиқада Леау дублни расмийлаштирди. Орадан 7 дақиқа ўтиб, Эдин Жеко ҳисобни қисқартирди.
Ушбу ғалабадан сўнг «россонерилар» очколари сонини 11 тага етказиб, мусобақа пешқадамига айланди. «Интер» эса 9 очко билан 5-поғонани банд этди.
А Серия
5-тур баҳси
3 сентябрь, шанба
«Милан» – «Интер» 3:2
Голлар: 0:1 – 21 Брозович, 1:1 – 28 Рафаэл Леау, 2:1 – 54 Жиру, 3:1 – 60 Рафаэл Леау, 3:2 – 67 Жеко.«Милан»: Меньян, Калабрия, Томори, Калулу, Эрнандес, Кьер, Беннасер, Тонали, де Кетеларе (Браим Диас, 63), Жиру (Ориги, 73), Рафаэл Леау, Жуниор Мессиас (Салемакерс, 72).
«Интер»: Ҳанданович, Думфрис, де Врей (ДъАмброзио, 84), Шкриньяр, Бастони (Димарко, 64), Дармиан (Госенс, 84), Брозович, Чалҳанўғлу, Барелла (Мхитарян, 63), Корреа (Жеко, 64), Мартинес.
Огоҳлантиришлар: Эрнандес (10), Думфрис (10), Жиру (31), Брозович (38), де Кетеларе (51), Индзаги (71), Тонали (77), Леау (90+3).
Изоҳ (0)