Футбол бўйича Беларусь Олий Лигасининг 20-турида «Энергетик-БГУ» 3 сентябрь, шанба куни «Ислоч» майдонида меҳмон бўлди.
Учрашувнинг биринчи бўлимида дарвозалар дахлсизлиги сақланиб қолди. Иккинчи бўлимнинг бошида Александр Свирепа ҳисобни очди. 57-дақиқада Глеб Ровдо мувозанатни тиклади. Орадан бир неча дақиқа ўтиб, Бобур Абдухолиқов гол уриб, жамоасини ҳисобда олдинга олиб чиқди. 87-дақиқада Александр Гуз ҳисобни тенглаштирди. Бир дақиқадан кейин, Абдухолиқов дубль қайд этиб, «Энергетик-БГУ»нинг ғалаба голига муаллифлик қилди.
Учрашувдан сўнг Бобур Абдухолиқов жамоаси очколари сонини 38 тага етказиб, 2-ўринни эгаллаб турибди. «Ислоч» эса 31 очко билан 7-поғонани банд этган.
Беларусь Олий Лигаси
20-тур баҳси
3 сентябрь, шанба
«Ислоч» — «Энергетик-БГУ» 2:3
Голлар: 0:1 — 46 Свирепа, 1:1 — 57 Ровдо, 1:2 — 64 Абдухолиқов, 2:2 — 87 Гуз, 2:3 — 88 Абдухолиқов.«Ислоч»: Игнатович, Степанов, Калачев, Ковел, Ибрагим, Лисакович, Никифоренко, Лисакович, Ровдо, Морозов, Созаҳ.
«Энергетик-БГУ»: Лукашевич, Макушинский, Свирепа, Макавчик, Лаврик, Силинский, Рилач, Омелянчук, Ҳусанов, Абдухолиқов, Папарига.
Изоҳ (0)