Харьковда янги қурбонлар, Дружковкада ҳужумга учраган мактаб. Урушнинг 188-кунидан фоторепортаж
30 август куни Харьков раҳбари Олег Синегубов шаҳар ўққа тутилган пайтда беш нафар фуқаро ҳалок бўлгани ва тўққиз нафари яралангани ҳақида хабар берди; эртаси куни эрталаб отишма давом этди. Россия назоратидаги Запорожье муваққат ҳокимияти Украина томони вилоятдаги АЭСни ўққа тутгани ҳақида маълум қилди. АЭСни текшириш учун юборилган МАGATЭ делегацияси Киевга етиб келди, Владимир Зеленский унинг аъзолари билан учрашди. Россия Мудофаа вазирлиги 29 август кунги ҳужум чоғида 1200 нафар украиналик аскар ҳалок бўлганини маълум қилди. Россия Эрон дронларининг биринчи партиясини қабул қилди. Meduza урушнинг 188-кунидан асосий фотосуратларни тақдим этди.
Харьков
Харьковга 30 август куни қилинган ҳужум оқибатлари. Шаҳар маъмурияти беш киши ҳалок бўлгани ва тўққиз киши яралангани ҳақида маълум қилди.Фото: AFP
Украиналик аскар шаҳарнинг турар жой ҳудудига отилган ўқ-дорилар турини аниқлаш учун зарбадан кейин ҳосил бўлган ўрада снаряд парчаларини йиғмоқда.Фото: AP Photo
Николаев тумани
Николаев вилоятидаги фронт чизиғидан кўтарилган тутунФото: AFP
Донбасс шимоли
Донецк вилояти Северск шаҳридаги йўлда қора тутун: ҳарбий ҳаракатлар вақтида машина ёниб кетган. Август ойи охирида Британия разведкаси россияликларнинг Донбассдаги ҳужумлари кучайиши эҳтимоли ҳақида маълумот берган. Донецкдан жанубда Северск ва Баҳмут ҳудудларида интенсив жанглар кетмоқда.Фото: Anadolu
Северскнинг ўққа тутилиши оқибатлари.Фото: Anadolu
ДХР халқ милицияси ҳарбийси машина орқали блокпостдан ўтаётган маҳаллий аҳоли вакилини текширмоқда.Фото: «ТАСС»
Донецк вилоятининг Дружковка посёлкасида мактаб биноси зарба остида қолди. Вилоят ҳарбий маъмурияти раҳбари Павел Кириленко бунда Россияни айблади, унинг аниқлик киритишича ҳужум оқибатида жабрланганлар йўқ.Фото: AFP
Дружковка ўққа тутилганидан кейин йўлда сочилиб ётган шиша синиқлари. Ҳарбий вилоят маъмурияти раҳбари Павел Кириленконинг маълум қилишича, мактабдан ташқари, болалар боғчаси, муз аренаси ва турар жой бинолари ҳам жабрланган.Фото: AP Photo
Изоҳ (0)