АҚШ Эроннинг Россияга дронлар етказиб берганини расман тасдиқлади. Бу ҳақда Оқ уй сайтида маълум қилинган.
Оқ уй матбуот котиби Карин Жан-Пьер брифингда Россия август ойида Эрондан Mohajer 6 ва Shahed серияли дронларини олганини айтди.
«Биздаги маълумотларга кўра, Россия август ойида бир неча кун давомида Эрондан Mohajer 6 ва Shahed серияли дронларини олган. Россия транспорт самолётларига Эрондаги аэродромда дронлар юкланган, сўнг улар Эрондан Россияга учиб кетган. Биз буни кўриб турибмиз, баҳомиз шундай», — деди Жан-Пьер.
Урушни ўрганиш бўйича Америка институти (ISW) таҳлилчилари ҳам Эрон Су-35 рус ҳарбий самолётларини олиш умидида Россияга дронларнинг биринчи партиясини юборган бўлиши мумкинлиги ҳақида ҳисобот эълон қилганди.
The Washington Post газетаси Америка разведкасидаги манбаларига кўра, 19 август куни Россия юк самолётлари Эрондан Mohajer-6 ва Shahed дронларини олиб кетгани ҳақида хабар берган.
Аввал Теҳрон Москвага дронлар етказиб берилишини рад этиб, бундай хабарларни асоссиз деб атаганди. Кремль эса бу мавзуга изоҳ беришдан бош тортган.
Изоҳ (0)