Тошкент шаҳрининг Сергели туманида «Hamkorbank» АТБнинг янги ва замонавий банк хизматлари офиси очилди.
Янги офиснинг очилиш маросими 26 август куни «Hamkorbank» раҳбарияти, Сергели туман ҳокими, ОАВ вакиллари, блогерлар ва тадбиркорлар иштирокида бўлиб ўтди.
Тадбирда «Hamkorbank» АТБ Бошқарув раисининг ўринбосари Алишер Мухторов нутқ сўзлаб, янги офис тадбиркорлик субъектлари ва аҳолига барча турдаги банк хизматлари кўрсатишини айтди.
«Бугунги кунда тадбиркорлик субъектлари ва аҳоли эҳтиёжларини тўла қондириш мақсадида кенг миқёс ва турларда замонавий банк хизматлари кўрсатиш ҳамда уларга ҳудудий жиҳатдан яқинлашиш «Hamkorbank» АТБнинг асосий мақсадларидан биридир. «Сергели» банк хизматлари кўрсатиш офиси ташкилий-ҳуқуқий жиҳатдан банкимиз филиалларининг янги форматдаги кўриниши десак адашмаймиз. Ҳозирги кунда барча тижорат банклари қатори бизнинг банк ҳам мижоларга сифатли хизмат кўрсатиш учун қулай ва ихчам, замонавий шароитларга эга офислар ташкил этмоқда», – деди банк раиси ўринбосари.
Тадбирда Сергели тумани ҳокими Элбек Шукуров ҳам иштирок этди ва йиғилганларга ўз қутловларини айтди.
«Бугун Сергели тумани аҳолиси учун муҳим кун. Сабаби аҳолига хизмат кўрсатувчи асосий тармоқлардан бири бўлган банк секторига яна бир иштирокчи кириб келмоқда. «Hamkorbank» ҳақида гапирадиган бўлсак, у юртимизга кириб келган илк хусусий банклардан ҳисобланади. Бугунги кунгача «Hamkorbank» ҳам обрўйи, ҳам капиталини ошириб келмоқда. Бу хусусий банкларга аҳолининг ишончи юқорилиги намунасидир. Шундай офис ташкил этилгани учун банк раҳбариятига миннатдорлик билдирамиз ва Сергели туманига хуш келибсиз деймиз», – деди туман ҳокими.
Тадбир давомида меҳмонларга янги офисда яратилган шарт-шароитлар, маҳсулот ва хизматлар кўрсатиш жараёнидаги технологик ечимлар намойиш этилди.
Янги очилган «Сергели» банк хизматлари офиси мижозларга хизмат кўрсатиш учун барча замонавий шароитлар ва техникалар билан жиҳозланган. Офисда қулай кутиш заллари ва кечаю-кундуз ўз-ўзига хизмат кўрсатиш жойлари мавжуд.
Хорижий капитал иштирокидаги «Hamkorbank» акциядорлик-тижорат банки Ўзбекистон банк-молия бозорида 31 йилдан бери муваффақиятли фаолият юритиб келмоқда. Ҳозирда республиканинг барча ҳудудларида банкнинг 47 та филиали ва 104 та банк хизматлари кўрсатиш шохобчалари ишламоқда.
«Сергели» банк хизматлари офисининг манзили:
Тошкент шаҳри, Сергели тумани, 8 мавзе, 2 уй.
Алоқа маркази: 1256
Telegram| Facebook | Instagram | YouTube
Реклама ҳуқуқи асосида.
Изоҳ (0)