«Алоқада» лойиҳаси доирасида Mobiuz мобил оператори Жиззах вилоятидаги фаолияти ҳақида сўзлаб берди.
Кўпинча абонентлар таянч станцияларини қуриш ва ўрнатиш мавзусига қизиқиш билдирадилар. Уларни қизиқтирган саволлар орасида техник иншоот қаерда ва қачон ишга туширилиши, бу ишлар қандай амалга оширилиши, ускуналарнинг кўриниши ва бошқа кўплаб саволлар бор.
Бу саволларга жавоблар эндиликда янги форматда – ҳудудларнинг ривожланишини намойиш қилувчи видеороликлар орқали тақдим этилмоқда. Mobiuz‘нинг 15 та ҳудудий хизмат кўрсатиш марказлари, шунингдек, компания ускуналарининг жойларда 24/7 узлуксиз ишлашини таъминлайдиган кўплаб техник бўлимлари фаолият олиб бормоқда. «Алоқада» лойиҳаси Mobiuz’нинг барча техник бўлимлари фаолиятини ёритишга қаратилган.
Лойиҳанинг иккинчи сони Жиззах вилоятида абонентларга хизмат кўрсатиш учун яратилган шарт-шароитлар, янги таянч станцияларини қуриш ва мавжудларини модернизация қилиш масалаларига бағишланади.
Авваллари Жиззах шаҳридаги Mobiuz хизмат кўрсатиш маркази Шароф Рашидов шоҳ кўчасидаги алоҳида бинода жойлашган эди. Айни пайтда бу масканда қурилиш ишлари бошлаб юборилган бўлиб, корхонанинг янги замонавий офиси барпо этилмоқда. Шу муносабат билан Хизмат кўрсатиш маркази бу ердан 150 метр нарироқда жойлашган Тадбиркорликка кўмаклашиш марказининг иккинчи қаватига вақтинча кўчди.
Шароф Рашидов шоҳ кўчаси бўйлаб бироз нарироқда яна бир Mobiuz офиси жойлашган бўлиб, унда техник бўлим мавжуд. Бўлим бошлиғи Шуҳрат Совурбоевнинг айтишича, унинг жамоаси биринчи ярим йилликда Жиззах вилоятининг шаҳар ва туманларида 35 та янги ва 30 та модернизация қилинган база станцияларини ишга туширган. Йилнинг иккинчи ярмида янги жойларда 43 та техник иншоот қуриш режалаштирилган. Ҳозирда улардан 10 тасида зарур ишлар олиб борилмоқда.
«Алоқада» лойиҳасининг суратга олиш гуруҳи бир вақтнинг ўзида бир нечта чекка қишлоқларда бўлди. Бахмал туманидаги Тожикистон Республикаси билан чегарадош Булоқбоши қишлоғи аҳолиси тез кунларда юқори сифатли алоқа ва 4G LTE мобил интернет тармоғидан фойдаланиш имкониятига эга бўлади. Mobiuz ўзининг таянч станциясини бу ерга жойлаштирган биринчи оператор бўлади. Ғаллаорол туманидаги Ғорбулос қишлоғи ҳамда бошқа кўплаб аҳоли пунктларида ҳам шундай шароитлар яратилмоқда.
Батафсил маълумотни ушбу видеодан топишингиз мумкин:
Реклама ҳуқуқи асосида.
Изоҳ (0)